Dúbirli jekpe-jek: ShQO-da qazaqsha kúresten Halyqaralyq gran-prı ótti

4630
Adyrna.kz Telegram

Búgin ShQO Tarbaǵataı aýdanynda Yrǵyzbaı Doshanauly atyndaǵy ortalyq stadıonda myńdaǵan adam jınalyp, 30 memleketten kelgen 90 balýannyń baq pen kúsh synasýyna kýá boldy.
Aıta ketsek, týrnır jetinshi ret ótkizilip otyr. Osy ýaqyt aralyǵynda qatysýshylar men memleketter sany artty. Al bıyl «Tuǵyry bıik Tarbaǵataı» óner men sport festıvali aıasynda ótýi aýqymdylyǵyn keńeıtip otyr.


Halyqaralyq deńgeıdegi tóreshi, óner men sport festıvalin uıymdastyrýshy komıtettiń tóraǵasy Talǵat Mázibaevtyń aıtýy boıynsha, qazaq kúresi qyrkúıek aıynda Koreıa elinde ótetin Álemdik oıyndardyń tizimine endi. Sondyqtan týrnırge sheteldik sportshylardyń qatýy jaqsy múmkindik.
- Biz jyl saıyn halyqaralyq sportshylardy ashyq aspan astyndaǵy týrnırge shaqyramyz. Eýropa elderinde qazaq kúresi tanymaldylyǵynyń artýy qýantady. Aldaǵy ýaqytta qazaq kúresin olımpıada oıyndaryna qosý maqsatymyz bar. Onyń barlyǵy ýaqyt enshisinde. Bıyl alǵash ret Italııa, Rýmynııa jáne Nıderlandııa memleketteriniń balýandary qatysýda,-dedi bas tóreshi.


Grekııalyq komanda ókili Pekos Teodoras ózi bala kezinde atalmysh sport túrimen aınalysqanyn aıtty. - Biz osy týrnırge neshe márte qatysyp kelemiz. Jyldan jylǵa trıbýnalar jankúıerlerge tolyp, sharanyń aýqymdylyǵynyń artqandyǵynyń kýásimiz.
Kúni boıy sportshylar úlken dodaǵa tústi. Barlyq 90 sportshy óz elderiniń namysyn joǵary sheberlikpen qorǵap shyqty.
Nátıjesinde 70 keli salmaqta qola júldege Moldovııa sportshysy Geordje Roký, kúmiske qazaqstandyq Ósken Tóleýbekov, al altyn júldege grýzııalyq Zvıad Odosheshvılı ıe boldy.


80 keli salmaqta birinshi oryndy Tádjikstan sportshysy Hamroz Radjabo, ekinshi oryndy grýzııalyq Kaha Momýlashvılı, úshinshi oryndy qazaqstandyq Bekzat Manasbaev ıelendi.
80-nen joǵary salmaqta tartylys qyzý boldy. Qazaqtandyq Aıbek Nuǵymarov pen ózbekstandyq Mýhsın Hısomýdınov eki myqty balýan. Kórermender úlken ári qyzý jekpe-jekti tamashalady. Úlken tartys nátıjesinde Halyqaralyq Gran-Prıdi Aıbek Nuǵymarov joǵary abyroımen ıelendi.
Mýhsın Hısomýdınov ekinshi orynǵa, grýzııalyq Geordjı Kataradze úshinshi orynǵa taban tiredi.
Aıbek Nuǵymarov atap ótkendeı, jekpe-jek qyzý boldy.
- Shyǵys Qazaqstanǵa álemniń 30 memleketi kelýi úlken kórsetkish. Qazaq kúresi tanymal bolyp keledi. Bul qýantarlyq jaıt,-dedi chempıon. Marapattan soń jeńimpazdar "Qazaq promotion" kompanııasy usynǵan saltanatty ári úlken konerttik merekeni tamashalady.
Erteń halyqaralyq 140 shaqyrymdyq at báıgesi ótedi.

 

"Adyrna" ulttyq portaly

Pikirler