Bügın jurnalist, Jurnalister Akademiiasynyŋ akademigı, QR Mädeniet jäne aqparat ministrlıgınıŋ «Mädeniet qairatkerı» Jūmabek Kenjalinnıŋ tuǧan künı. Ol 1954 jyly 30 jeltoqsanda Qostanai oblysynyŋ Amangeldı audanyndaǧy «Jaŋa tūrmys» kolhozynda tuǧan.
1981 jyly Qazaq Memlekettık universitetın tamamdaǧan soŋ, «Sosialistık Qazaqstan» («Egemen Qazaqstan») gazetınde tılşı, bölım meŋgeruşısı, 1986— 1988 jyldary «Bılım jäne eŋbek» («Zerde») jurnalynda jauapty hatşy, bas redaktordyŋ mındetın atqaruşy boldy. 1997 — 1999 jyldary «Qazaq ädebietı» gazetınıŋ bas redaktory qyzmetın atqardy. Şyǧarmalary respublikalyq merzımdı basylym betterınde jariialanyp jür. «Jelkıldep ösken qūraqtai», (1988, «Öner»), «Şyndyqty şyraq etıp ūstaŋyz» (1998, «Qazaqstan»), «Ūlt ruhyn ūlyqtaǧan ūrpaqpyz» (2005, «Ölke») dep atalatyn derektı äŋgımeler men esseler kıtaptarynyŋ avtory. Qazaqstan jurnalister odaǧy syilyǧynyŋ laureaty (1984), Qazaqstan Respublikasy Prezident syilyǧynyŋ laureaty (2006), QR Mädeniet jäne aqparat ministrlıgınıŋ «Mädeniet qairatkerı» belgısımen marapattalǧan (2004). Qazaqstan Jurnalister Akademiiasynyŋ tolyq müşesı — akademigı (2001). Jurnalist 2017 jyly, 24 mausymda 63 jasyna qaraǧan şaǧynda dünieden ozdy.«Adyrna» ūlttyq portaly
