Ükımet Jezqazǧan qalasynyŋ bas josparyn maqūldady

Ükımet Jezqazǧan qalasynyŋ bas josparyn maqūldady, dep habarlaidy "Adyrna" tılşısı. Ūlytau oblysynyŋ äkımı Berık Äbdıǧaliūly QR Premer-Ministrı Ä.A.Smaiylovqa Jezqazǧan qalasynyŋ bas josparyn tanystyrdy. Nätijesınde, Ükımet otyrysynda Ūlytau oblysy ortalyǧynyŋ basty qūjaty maqūldandy. Jezqazǧan qalasy – Ūlytau oblysynyŋ ortalyǧy märtebesıne ie bolǧannan keiın, jaŋa obekt sanyn köbeitu qajettıgı tuyndaǧan soŋ bas josparǧa tüzetuler engızu byltyr qolǧa alynǧan bolatyn. Aita keteiık, Jezqazǧannyŋ bas jospary osy uaqytqa deiın üş ret qoǧamdyq talqylaudan ötıp, tūrǧyndardyŋ pıkırın eskere otyryp, memlekettık organdardyŋ maqūldauymen, qala qūrylysy saraptamasynan ötken soŋ äzırlendı. Anyqtama üşın: Bas josparda jaŋa jol qūrylymy, tūrǧyn üiler, sport sarailary, teatr, stadion, sauda, oiyn-sauyq ortalyqtary, äskeri qalaşyq, ört söndıru deposy, jüzu basseinı jäne 29 balabaqşa, 8 mektep, 3 oblystyq, 4 qalalyq auruhana, balalardy oŋaltu, onkologiialyq ortalyq qarastyrylǧan. Qazırgı qoldanystaǧy basty qūjat 117 myŋ tūrǧynǧa josparlanǧan bolsa, qabyldanuy qajet bas jospar 145 myŋ tūrǧynǧa şaqtalyp otyr. Aldaǧy üş aida qala äkımdıgımen bırge bas jospar boiynşa jer bölınıp, investorlar öz jobalaryn jüzege asyru üşın bölıngen jerler auksionǧa qoiylatyn bolady. Jezqazǧan qalasynyŋ bas jospary – oblysty damytudyŋ negızgı qūjaty. Ol - qalada qūrylys jūmystaryn jürgızuge jäne qabılettı investorlardyŋ jobalaryn jüzege asyruǧa, qalany qūru jäne odan ärı damytuǧa mümkındık beredı.