Qazaqstandyqtar jaqynda ǧana jaŋa qyzmetke taǧaiyndalǧan Mädi Ahmetovtı qyzmetınen bosatudy talap etıp, petisiia jariialady, dep habarlaidy "Adyrna" tılşısı.
Mädi Ahmetov bırer kün būryn Almaty oblysynyŋ jastar saiasaty basqarmasynyŋ basşysy bolyp taǧaiyndalǧan. Degenmen, "eŋ jas deputat" bolǧan basşynyŋ qyzmetten ketuın talap etıp, petisiia qol qoiǧandardyŋ sany 340-tan astam. Petisiia Alash online saitynda jariialandy.
Petisiianyŋ avtory Said Samatov esımdı azamat.
«Osy jyldyŋ qyrküiek aiynda äleumettık jelılerde Mäjılıstıŋ būrynǧy deputaty Mädi Ahmetov Almaty oblysynyŋ jastar saiasaty basqarmasynyŋ basşysy qyzmetıne daiyndalyp jatyr degen aqparat paida boldy. Sodan keiın äkımdıktıŋ baspasöz qyzmetı būl orynnyŋ şynymen bos ekenın habarlady. Bıraq ol kezde ümıtkerler turaly eşqandai mälımet bolǧan joq», – delıngen petisiia mätınınde.Ahmetov qoǧamda saiasi közqarasymen tanylyp ülgergen. Ol 2019 jyly «qazaq jastarynyŋ» atynan söilegen sözınde Almatyda eks-prezident Nūrsūltan Nazarbaevqa eskertkış ornatu turaly ūsynys jasaǧan bolatyn. Odan keiın ol prezidenttık sailauda QR Prezidentı Qasym-Jomart Toqaevqa dauys beruge şaqyrdy. Közqarasynyŋ jyldam özgeruımen bilıkke de, halyqqa da tanylǧan būrynǧy deputatqa qatysty taǧy da bır petisiia jariialanǧan bolatyn. 10 myŋnan astam adam qoldaǧan petisiiada Ahmetovtıŋ äskeri boryşyn öteuı talap etılgen.
Ūqsas jaŋalyqtar
