Eńbek jáne halyqty áleýmettik qorǵaý mınıstrligi 2024 jyly Qazaqstanda zeınetaqy men járdemaqy qalaı ósetinin aıtty, dep habarlaıdy “Adyrna” ulttyq portaly.
2024-2026 jyldarǵa arnalǵan respýblıkalyq bıýdjet týraly zańda 2024 jylǵy 1 qańtardan bastap memlekettik járdemaqylar men bazalyq zeınetaqy tólemderiniń barlyq túrlerin Ulttyq bank aıqyndaıtyn ınflıaııanyń boljamdy deńgeıine sáıkes 7 paıyzǵa, yntymaqty zeınetaqyny - 9 paıyzǵa, ıaǵnı ınflıaııa deńgeıinen eki paıyzǵa joǵary kóterý kózdelgeni habarlandy.
"Bıýdjetten jıyntyq zeınetaqynyń ortasha mólsheri (BJZQ-dan tólemderdi eseptemegende) 2024 jyly 130 414 teńge (2023 jyly - 120 838 teńge) bolady", - delingen habarlamada.
Sonymen qatar, Memleket basshysynyń tapsyrmasy boıynsha 2023 jyldan bastap bes jyldyq kezeń ishinde eń tómengi bazalyq zeınetaqyny jyl saıynǵy kezeń-kezeńmen eń tómengi kúnkóris deńgeıiniń 70 paıyzyna, eń kóbi 120 paıyzǵa deıin arttyrý júzege asyrylyp jatyr.
Máselen, 2024 jylǵy 1 qańtardan bastap bazalyq zeınetaqynyń eń tómengi mólsheri eń tómengi kúnkóris deńgeıinen 60-tan 65 paıyzǵa deıin artady, bul - 28 215 teńge, eń joǵary mólsheri - eń tómengi kúnkóris deńgeıinen 100-den 105 paıyzǵa deıin, bul 45 578 teńge bolady.
2024 jylǵy 1 qańtardan bastap memlekettik járdemaqylardy arttyrýdyń keıbir mysaldary:
- 1-shi, 2-shi, 3-shi bala týǵanda tólenetin járdemaqy 131 100 teńgeden 140 296 teńgege deıin, 4 jáne odan da kóp bala týǵanda 217 350 teńgeden 232 596 teńgege deıin ósedi;
- bala sanyna baılanysty kópbalaly otbasylarǵa beriletin járdemaqy mólsheri 4 balaly otbasylarǵa 55 304 teńgeden 59 183 teńgege deıin, 10 balaly otbasylarǵa 138 000 teńgeden 147 680 teńgege deıin ósedi;
- I toptaǵy múgedekterge beriletin járdemaqy 89 248 teńgeden 95 496 teńgege, II toptaǵy múgedekterge – 71 398 teńgeden 76 397 teńgege, III toptaǵy múgedekterge beriletin járdemaqy 48 681 teńgeden 52 089 teńgege deıin ósedi.
Sondaı-aq, Memlekettik áleýmettik saqtandyrý qorynan (MÁSQ) asyraýshysynan aıyrylý jáne eńbekke qabilettiligin joǵaltý boıynsha tólemder 7 paıyzǵa ósedi. Bul tólemder mindetti áleýmettik saqtandyrý júıesine qatysýshylarǵa bıýdjetten tólenetin memlekettik járdemaqylarǵa qosymsha tólenedi.
