Ūşaqtyŋ apattyq esıgın aşqan jolauşy äkımşılık jauapkerşılıkke tartyldy. Būl turaly Polisia.kz saity jariialady, dep habarlaidy “Adyrna” ūlttyq portaly.
23 jeltoqsanda Fly Arystan äue kompaniiasy ökılderınıŋ ötınışı boiynşa Almaty qalasy äuejaiyndaǧy jelılık polisiia bölımınıŋ qyzmetkerlerı Şymkent – Almaty baǧytyndaǧy reis jolauşysyn anyqtap, ūstady. Qūqyq būzuşy akt boiynşa reisten tüsırıldı.
«Tekseru barysynda ūşaq bortyndaǧy qauıpsızdık erejelerıne baǧynbaǧan Almaty qalasynyŋ 29 jastaǧy mas tūrǧyny anyqtaldy. Medisinalyq kuälandyru qorytyndysyna säikes, ol «ortaşa därejelı» mas küide bolǧan. Qūqyq būzuşyǧa qatysty polisiia qyzmetkerlerı QR ÄQBtK-nıŋ 440-baby 1-bölıgı, 566-baby 1-bölıgı, 434-baby 1-bölıgı boiynşa bırden üş äkımşılık hattama toltyryp, 8 AEK kölemınde aiyppūl saldy», - delıngen mälımette.
Ūsaq būzaqylyq boiynşa ıs şeşım qabyldau üşın Almaty qalasynyŋ äkımşılık qūqyq būzuşylyqtar jönındegı mamandandyrylǧan audanaralyq sotyna joldanatyn bolady. Atalǧan bap boiynşa qūqyq būzuşy 15 täulıkke deiıngı äkımşılık qamauǧa alu türınde jazalanuy mümkın.
Ūqsas jaŋalyqtar
