Nazarbaev Ýnıversıtetiniń talaptary, amerıkandyq oqý oryndarynan shaqyrtý alý múmkúndikteri, armandy maqsatqa aınaldyrý – osy taqyrypta Taldyqorǵan qalasyndaǵy Nazarbaev Zııatkerlik mektebiniń túlekteri Samgau forýmynda sóz qozǵady.
Alma-mater qabyrǵasynda dástúrge aınalǵan túlekterdiń forýmy ótti, basty maqsaty oqýshylarǵa kásiptik baǵdar berý bolyp tabylady.
Túlekter men oqýshylar arasyndaǵy biregeı dıalog alańy NIS Túlekter qaýymdastyǵynyń bastamasymen 100-ge jýyq qatysýshy jınady.
Zııatkerlik mekteptiń 10-synyp oqýshysy Dagmara Ertanatova forým spıkerleriniń biri, 2022 jyldyń túlegi Álisher Bekmustafaev sııaqty bolashaqta dáriger bolýdy armandaıdy.
Búginde Álisher Nazarbaev Ýnıversıtetiniń Medıına mektebiniń birinshi kýrs stýdenti. Ol óz sózinde qarym-qatynas jasaı bilý bolashaqtyń eń mańyzdy daǵdylarynyń biri ekenine toqtaldy. Óıtkeni, aqparattyq aǵyndar qazirgi adam ómiriniń ajyramas bóligi bolyp tabylady. Jalpydan naqtyǵa qaraı dıalog qurý, taım-aýt tehnıkasyn qoldaný jáne áńgimelesýshige empatııa jasaý basqa adamdy durys túsinýdiń nemese sendirýdiń kilti bolyp tabylady.
2021 jyldyń túlegi Arýjan Manarbekqyzynyń sózi oqýshylar arasynda erekshe qyzyǵýshylyq týdyrdy. Arýjan Nıý-Iork kınoakademııasynyń stýdenti.
Mamandyq tańdaý – ár adamnyń ómirindegi mańyzdy sheshim. Degenmen, birqatar sebepterge baılanysty oqýshylarǵa durys sheshim qabyldaý qıyndyqqa soǵady. Osyndaı jaǵdaılarda men túlekterge GAP- year alýǵa keńes beremin. Shyǵarmashylyq mamandyqtardy tańdaýǵa qoryqpańyzdar. V.A.Sýhomlınskıı aıtqandaı: «Árbir adamnyń ishinde uıyqtap jatqan qus bar, ony ushyrý úshin, ony oıatý kerek. Bul sıqyrly qustyń aty -Shyǵarmashylyq!» — deıdi Arýjan óz sózinde.
