Aşhabadta tūratyn täuelsız jurnalist Soltan Achilova Türkımenstan prezidentı Serdar Berdımūhamedov pen onyŋ äkesı, Halyq mäslihatynyŋ töraǧasy Gurbanguly Berdımūhamedovke video ündeu joldady, dep habarlaidy "Adyrna" ūlttyq portaly.
Ol olardy ötırık aitty, el ekonomikasyn qūldyratty, bılım salasyndaǧy jemqorlyq, kedei halyqtyŋ ömırıne bei-jai qarady dep aiyptady.
«Baiaǧynyŋ aqyndary aitqandai, künäǧa batqan bailar öz elın qūrtyp jatqan zamanda ömır sürıp jatqanyma qatty ökınemın. El basşylary, Berdımūhamedovter! Eldıŋ tabiǧi bailyǧyn öz müddelerıŋızge paidalanyp, qajetsız qūrylystar saluǧa aqşa jūmsap, el ekonomikasyn küiretıp jatyrsyzdar. Kedei kedeilenedı, senıŋ kınäŋnen mezgılsız öledı. Sızder densaulyqty qūrttyŋyzdar jäne adamdardyŋ ömır süru ūzaqtyǧy kürt qysqardy. Bazarlardaǧy önımnıŋ köptıgın aitasyz, bıraq onyŋ baǧasy halyqtyŋ basym bölıgıne qoljetımsız. Halyqtyŋ jartysy tıptı nanǧa da aqşa taba almai, joqşylyqta küneltıp jür. Teledidardan halyqtyŋ tauyq etımen qamtamasyz etılgenın aitady. Būl eŋ arzan et önımı. Bıraq ıs jüzınde olai emes. Qazır kün suyqta tauyq etın nemese jūmyrtqa satyp alu üşın halyq kezekke tūruda. Bıraq būl önımder İran men Türkiiadan da jetkızıledı. Eldı tıptı öz önımderıŋızben de qamtamasyz etıp otyrǧan joqsyz. Halyq qoljetımdı baǧadaǧy negızgı azyq-tülık önımderımen – ūn, nan, tauyq etı, jūmyrtqamen qamtamasyz etılmegen" dep barlyq mäselelerdı tızıp berdı Achilova.
Sondai-aq, ol eldegı auyz su jetıspeuşılıgı mäselesın de alǧa tartyp, eldıŋ jūtap bara jatqanyn aitty.
"Halyq jūtap barady. Al sız bolsaŋyz ötırık esepterge quanyp jürsız. Berzengıdegı bas jäne moiyn emdeu ortalyǧynda tösek-oryndarda matrastar men jastyqtar joq, nauqastar tösek-oryndaryn, tıptı därı-därmegın de özımen bırge alyp keluı kerek. Sonymen qatar, olardan joq azyq-tülık üşın aqşa sūratuda" dep qosty ol.
"Äkelı-balaly Berdımūhamedovter, halyqtyŋ azaby üşın, uaqyt kelgende, senderdı eşteŋe qūtqarmaidy. 52 qajylyq jasasaŋ da. Halyqqa jasaǧan qiianattaryŋ üşın jauap beruge tura keledı. Mūny este saqtaŋyz. Sızdı Mekkege qajylyqqa baru jäne qarapaiym halyqtyŋ qaltasynan alatyn aqşalaryŋyz (sadaqalaryŋyz) qorǧamaidy. Sız qamqorlyqqa mūqtaj balalarǧa kömek körsetu qoryn qūrdyŋyz. Bıraq ony tolyqtyru üşın halyqtan aqşa alyp jatsyz. Tabiǧi resurstarǧa bai elde şynymen mūqtaj adamdar boluy mümkın be? Qamqorlyqqa mūqtaj balalar bar ma? Sız öz äreketterıŋızden ūialmaisyz ba?» dedı äiel prezidentke.
Tolyǧyraq videoda:
https://youtu.be/Z3x9RqoS8ac
Ūqsas jaŋalyqtar
