Deputat Daniiar Qasqarauov bırden üş ministrlıkke deputattyq saual joldap, eldegı internet-alaiaqtarǧa aldanǧandardyŋ mūŋyn aitty, dep jazady "Adyrna" ūlttyq portaly. Ol mäselenı Işkı ıster, Sifrlyq damu jäne Ädılet ministrlerıne qarastyruǧa şaqyrdy.
Qasqarauov internet alaiaqtarǧa qanşa jerden tosqauyl qoiylǧanymen, olardyŋ ailasy asyp tūrǧanyn aitty. Älı künge deiın ärtürlı telegramm chattar arqyly qomaqty aqşa tabyŋyz dep, talai üide otyrǧan analardy aldap kele jatqandardyŋ sany kün sanap ösıp jatqanyn qosty ol.
"Işkı ıster ministrlıgımen qylmystyq ıster qozǧalady, bıraq alaiaqtyŋ özın tabu mümkın emes bolyp otyr. Soŋǧy aqparattarǧa säikes toǧyz aida elımızde 15 myŋ internet alaiaqtyq tırkelıptı. Onyŋ ışınde, 3 myŋnan astamy resmi bankterdıŋ atyn jamylyp azamattardy aldaǧan. Osy jerde naqty saual tuyndaidy. Özderınıŋ qūryǧyna tüsıretın alaiaqtar azamattardyŋ jeke derekterın, telefon nömırlerın qaidan alady?! Olarǧa būl derekterdı kım beredı? Qanşa jerden adamdardyŋ jeke derekterın zaŋmen qorǧap, onyŋ taraluyn şektesek te. Alaiaqtar toqtaityn emes. Jeke derekterdıŋ qūpiialylyǧy eşkımde qūpiia bolmai tūr" dedı ol.
Ol özınıŋ ömırınde bolǧan oqiǧadan mysal keltırdı:
"Bır ǧana mysal keltıreiın. Mäselen, jaqynda bır tanysym jeke kompaniiasyn aşyp, qūjattaryn Egov elektrondy Ükımetı arqyly tırkettı. Būl prosess eşkımnıŋ qatysuynsyz, tek Portalda jasaldy. Degenmen, sol künı oǧan üş bırdei bankten qoŋyrau tüsıp, arnaiy eseptık şot aşyŋyz degen ūsynys tüstken. Al, ertesı künı zaŋgerlık-buhgalterlık qyzmet körsetetın jeke kompaniia ökılderı habarlasyp, öz qyzmetterın ūsynǧan. Eŋ soraqysy, endı jeke taksopark ökılderı tynymsyz habarlasyp kölık qyzmetın ūsynyp otyr eken. Būnyŋ bärı nebärı 2-3 künde oryn alǧan jaǧdai" dep qosty mäjılısmen.
Sondai-aq, deputat buhgalterlık kompaniialar men taksopark ökılderınıŋ qolyna tüsken aqparat alaiaqtarda da joq degenge kepıldık joqtyǧyna kümän keltırdı.
Ūqsas jaŋalyqtar
