Otandyq kinoindustriia älemı tört seriialy “Qorqyt” biografiialyq dramasymen tolyqty. Telehikaianyŋ tüsırılımı Almaty oblysy men Özbekstan Respublikasyndaǧy Hiua, Ferǧana, Būqara qalalarynda öttı. Tuyndy Qazaqstan ūlttyq telearnasynyŋ tapsyrysy boiynşa tüsırıldı.
Jobanyŋ tarihi keŋesşısı ärı ssenarii avtory – etnograf Berık Jüsıp. Rejissery – Qanaǧat Mūstafin. Qorqyttyŋ är kezeŋdegı rölderın Dınislam Nūrmaǧambet, Ädıl Ahmetov jäne Aidos Bektemırsomdaidy. Sonymen qatar negızgı tarihi rölderdıErkebūlan Daiyrov, Zarina Karmen, Medǧat Ömırälıoinaidy. Serialda qyrǧyzdyŋ ataqty manasşysy Rysbai İsaqov pen tanymal akter Askat Sulaimanovta boi körsetedı.
Telehikaia siujetınde Qorqyttyŋ düniege keluı, balalyq şaǧy, jetkınşek kezınen bastap, onyŋ säuegei, abyz retınde qalyptasu joly körsetıledı. Telehikaia ssenariiı älemdık deŋgeide zerttelgen «Qorqyt ata» kıtabyna, atap aitqanda “Salor Qazannyŋ üiınıŋ şabylǧany turaly jyr” negızınde tüsırılgen.
Joba prodiuserı Şolpan Batyrbaevanyŋ aituynşa, jaŋa telehikaianyŋ ssenariiı erekşe bolady.
– Tuyndy eŋ äuelı jas auditoriiaǧa arnalyp tüsırıldı. Qazırgı jastardyŋ sūranysy basqa. Sondyqtan tarihi film, serial tüsırgende jastardyŋ tılın tüsıne bılu maŋyzdy. Qart Qorqyttyŋ obrazy jastarǧa qyzyq bolmas edı. Sol üşın tüsırılım toby köp keŋesıp, hronologiialyq rettılıkke, biografiiaǧa negızdelgen siujet qūrastyrdy, – deidı prodiuser.
Şolpan Batyrbaeva būl tuyndyny halyqaralyq kinoserial dep atauǧa tolyq negız bar deidı.
– Serial kastingıne ülken jauapkerşılıkpen qaradyq. Akterlar qūramynda elımızdegı eŋ üzdık mamandary jinalǧan. Sonymen qatar tanymal qyrǧyz akterı Askat Sulaimanov pen äigılı manasşysy Rysbai İsaqovtyŋ da rölderı bar. Būǧan qosa qaŋtar aiyndaǧy tüsırılımder Özbekstan jerınde öttı. Ol kezde tüsırılım tobyna özbektıŋ kino salasyndaǧy üzdıkterı de qosyldy. Sondyqtan türkı elderı ortaq aŋyz jaily alǧaşqy serialymyz halyqaralyq tuyndy deuge bolady, – deidı joba prodiuserı Şolpan Batyrbaeva.
«Qorqyt ata» tarihi biografiialyq dramasy «Qazaqstan» teleradiokorporasiiasynyŋ özge memleketpen bırlese tüsırgen alǧaşqy telehikaiasy. Tuyndy 16, 17 jeltoqsan künderı saǧat 14:40-ta Qazaqstan ūlttyq arnasynyŋ efirınen körsetıledı. Tuyndy turaly aqparatty serialdyŋ Instagram paraqşasynan baqylauǧa bolady.
