Keshe, 2023 jyldyń 11 jeltoqsanynda Qazaqstan Respýblıkasy Parlamenti Májilisinde «Esirtki qylmysyna qarsy is-qımyl jónindegi sharalar týraly» taqyrybyndaǵy Úkimet saǵaty ótti.QR Parlamenti Májilisi depýtaty, «Aq jol» frakııasy múshesi Qazybek Isa Úkimet saǵatynda baıandama jasaǵan QR Ishki ister mınıstri Erjan Sádenovke ótkir suraq qoıdy.
Qurmetti Ishki ister mınıstri Erjan Saparbekuly!
El ishindegi obadaı qaýipti, estini esinen aıyratyn esirtkimen kúresý eń aldymen memlekettiń, qoǵamnyń mindeti.
Bul kúreste quqyq qorǵaý qyzmetkerleriniń úlesi kóp.
Buny qazir sizdiń baıandamańyzdan baıqadyq.
Biraq quqyq qorǵaý qyzmetkerleriniń ózderi esirtki satý, ótkizý ústinde ustalyp jatqany týraly BAQ-taǵy derekter aqylǵa sııa ma?
Mysaly, bıyl elimizdiń 8 óńirinde 11 polıııa qyzmetkeri, tipti basshysymen birge, esirtki ótkizip jatqanda ustaldy.
Bul Astana, Taraz, Qostanaı, Almaty, Aqtaý qalalarynda, ShQO, BQO, Almaty oblysynda bolǵan jaǵdaı.
Bul polıııa qyzmetkerleri Tárkilengen esirtkini qaıta aınalymǵa satty dep aıyptaldy.
Bul ne masqara! Qazaq «et sasysa, tuz sebedi, tuz sasysa ne sebedi» deıdi!
Tárkilengen esirtki kúsheıtilgen rejımde qorǵalyp, erekshe tártippen joıylýy tıis emes pe!
Sonda biz qasqyrǵa qoı baqtyrǵandaı, esirtkimen kúresti kimderge senip tapsyrǵanbyz?
Bıyl kúzetshi ıtter 260 esirtki qylmysyn ashyp, 6 tonnadan astam esirtki tárkilengen. Sonda ıtter esirtki tabady, ustaıdy, al polıııa ony satady?!
Sonda polıııa men ıttiń qaısysy senimdi bolyp tur?!
Iaǵnı, tárkilengen esirtkini joıýdy qatań kúsheıtý kerek, polıııanyń ózine baqylaý qajet!
Sizge qoıar saýalym:
- Memleket, qoǵam bolyp bul asa qaýipti dertpen kúresip jatqanda, polıııanyń mundaı qylmysy jaıly ne deısiz?!
- Quqyq qorǵaý organy qyzmetkerleri jasaǵan qylmystar boıynsha resmı statıstıka bar ma?
Onymen kúresýde ne istep jatsyzdar? - Budan keıin ózi qylmys jasaıtyn polıııaǵa El qalaı senedi mınıstr myrza?!.
Esirtki satqan polıııaǵa esti adam sene me?
Raqmet.
Ishki ister mınıstriniń jaýabyn beınejazbadan kóre alasyzdar.
«Adyrna» ulttyq portaly
