Búgin Taraz qalasynyń jańa ákimi taǵaıyndaldy. Budan bylaı bul qyzmetti Qaırat Áskerbekuly Dosaev atqaratyn bolady. Oblys ákimi Asqar Myrzahmetov shahardyń jańa basshysyn qala aktıvine tanystyryp, jumysyna sáttilik tiledi, dep habarlaıdy QazAqparat tilshisi.
Óz sózinde óńir basshysy Qaırat Áskerbekulynyń memlekettik qyzmettegi tájirıbesin eskere kele, jańa qyzmette de qalanyń ekonomıkalyq-áleýmettik damýy jolynda nátıjeli eńbek etetinine senim artty.
Qaırat Áskerbekuly Dosaev, 1965 jyly týǵan, ulty qazaq, bilimi joǵary. 1987 jyly Qazaqtyń Eńbek Qyzyl Tý ordendi aýylsharýashylyq ınstıtýtyn «aýylsharýashylyǵyn mehanıkalandyrý», 2007 jyly Abaı atyndaǵy Qazaq Ulttyq pedagogıkalyq ýnıversıtetin «ekonomıst» mamandyqtary boıynsha bitirgen.
Q.Dosaev óz eńbek jolynyń ár jyldarynda «Kazselhozmehanızaııa» ǵylymı-óndiristik birlestiginiń jáne «Altyn dıirmen» AQ-nyń ınjeneri, «Desht» JShS-niń dırektory, Almaty qalalyq tótenshe jaǵdaılar basqarmasynyń bólim bastyǵynyń orynbasary, Almaty qalasy Bostandyq aýdanynyń tótenshe jaǵdaılar bóliminiń sektor meńgerýshisi, bastyqtyń orynbasary, Qazaqstan Respýblıkasy Tótenshe jaǵdaılar agenttigi tóraǵasynyń kómekshisi, Almaty oblysy ákiminiń kómekshisi, Taldyqorǵan qalasy ákiminiń orynbasary, Qaratal aýdanynyń ákimi, Almaty oblysynyń tabıǵı monopolııalardy retteý jáne básekelestikti qorǵaý jáne tarıfter jónindegi basqarmalarynyń bastyǵy, Qazaqstan Respýblıkasy Tótenshe jaǵdaılar mınıstriniń keńesshisi, «Kazsportınvest» AQ-nyń vıe-prezıdenti, Jambyl oblysy Qordaı aýdanynyń ákimi qyzmetterin atqarǵan. 2017 jyldyń naýryzynan bastap Jambyl oblysy Shý aýdanynyń ákimi laýazymynda qyzmet atqaryp keldi.
