Dosaev Taraz qalasynyŋ äkımı bolyp taǧaiyndaldy

Bügın Taraz qalasynyŋ jaŋa äkımı taǧaiyndaldy. Būdan bylai būl qyzmettı Qairat Äskerbekūly Dosaev atqaratyn bolady. Oblys äkımı Asqar Myrzahmetov şahardyŋ jaŋa basşysyn qala aktivıne tanystyryp, jūmysyna sättılık tıledı, dep habarlaidy QazAqparat tılşısı. Öz sözınde öŋır basşysy Qairat Äskerbekūlynyŋ memlekettık qyzmettegı täjıribesın eskere kele, jaŋa qyzmette de  qalanyŋ ekonomikalyq-äleumettık damuy jolynda  nätijelı eŋbek etetınıne senım artty. Qairat Äskerbekūly Dosaev, 1965 jyly tuǧan, ūlty qazaq, bılımı joǧary. 1987 jyly Qazaqtyŋ Eŋbek Qyzyl Tu ordendı auylşaruaşylyq institutyn «auylşaruaşylyǧyn mehanikalandyru», 2007 jyly Abai atyndaǧy Qazaq Ūlttyq pedagogikalyq universitetın «ekonomist» mamandyqtary boiynşa bıtırgen. Q.Dosaev öz eŋbek jolynyŋ är jyldarynda  «Kazselhozmehanizasiia» ǧylymi-öndırıstık bırlestıgınıŋ jäne «Altyn diırmen» AQ-nyŋ injenerı, «Deşt» JŞS-nıŋ direktory, Almaty qalalyq tötenşe jaǧdailar basqarmasynyŋ bölım bastyǧynyŋ orynbasary, Almaty qalasy Bostandyq audanynyŋ tötenşe jaǧdailar bölımınıŋ sektor meŋgeruşısı, bastyqtyŋ orynbasary, Qazaqstan Respublikasy Tötenşe jaǧdailar agenttıgı töraǧasynyŋ kömekşısı, Almaty oblysy äkımınıŋ kömekşısı, Taldyqorǧan qalasy äkımınıŋ orynbasary, Qaratal audanynyŋ äkımı, Almaty oblysynyŋ tabiǧi monopoliialardy retteu jäne bäsekelestıktı qorǧau jäne tarifter jönındegı basqarmalarynyŋ bastyǧy, Qazaqstan Respublikasy Tötenşe jaǧdailar ministrınıŋ keŋesşısı, «Kazsportinvest» AQ-nyŋ vise-prezidentı, Jambyl oblysy Qordai audanynyŋ äkımı qyzmetterın atqarǧan. 2017 jyldyŋ nauryzynan bastap Jambyl oblysy Şu audanynyŋ äkımı lauazymynda qyzmet atqaryp keldı.