Bügın, 9 jeltoqsanda Qaraǧandy oblysyndaǧy Kostenko atyndaǧy şahtadaǧy jarylysqa ūlasqan örttıŋ sebepterın tekseru jönındegı Ükımet komissiiasynyŋ qorytyndy otyrysy öttı. Būl turaly Tötenşe jaǧdailar ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
«Qazaqstannyŋ, qiyr jäne taiau şetelderdıŋ ǧylymi-zertteu jäne saraptamalyq ūiymdaryn tarta otyryp, tehnikalyq qūjattamany, aiǧaqtardy jäne basqa materialdardy zerdeleu boiynşa egjei-tegjeilı jūmystar jürgızıldı. Nätijesınde, ört jäne metan-aua qospasynyŋ odan ärı jaryluy qyrǧyş konveier elementterınıŋ soqqysy men üikelısınen paida bolǧan mehanikalyq ūşqynnan gazdyŋ (metannyŋ) tūtanuynyŋ bolǧany anyqtaldy. Gazdyŋ özı astyŋǧy tösemeden bölıngen», – dep jazylǧan habarlamada.
Komissiia önerkäsıptık qauıpsızdık talaptarynyŋ būzyluşylyqtaryn da anyqtady. Atap aitqanda, jūmystyŋ tolyqqandy ūiymdastyrylmauy jäne qauıptı öndırıstık faktorlarǧa qajettı öndırıstık baqylaudyŋ joqtyǧy atap ötıldı. Olardyŋ qataryna tūraqty şahtalarda şaŋ men jarylysqa qarsy şaralardy oryndau da jatady.
Komissiia jūmysynyŋ qorytyndysy boiynşa jūmys beruşınıŋ kınäsı 100% anyqtalyp, jūmysty qauıpsız oryndau talaptaryn būzǧan 19 jauapty tūlǧa anyqtaldy.
Eŋbek zaŋnamasyna säikes tergeu materialdary qūqyq qorǧau organdaryna berıldı.
