«ArselorMittal Temırtau» AQ-nyŋ atauy resmi türde QARMET bolyp özgerdı. Būl turaly Qaraǧandy oblysy äkımınıŋ baspasöz qyzmetı jazdy, dep habarlaidy «Adyrna» tılşısı.
Aimaq basşysy Ermaǧanbet Bölekpaev Temırtauda kompaniia ūjymymen kezdesude Qazaqstan Steel Group aksionerı Andrei Lavrentevtı tanystyrdy.
«Ärine, jaŋa basşynyŋ aldynda maŋyzdy mındetter tūr. Bırınşı kezekte eŋbek qauıpsızdıgın qamtamasyz etu jäne qyzmetkerlerge jaǧdai jasap, äl-auqatyn arttyru qajet. Sondai-aq äleumettık jobalar arqyly jergılıktı qoǧamdastyqty damytuǧa belsendı qatysyp, kömek körsetu kerek»,— dedı Ermaǧanbet Bölekpaev.Kezdesude Andrei Lavrentev Vadim Basindı QARMET kompaniiasynyŋ bas direktory retınde tanystyrdy. Esterıŋızge sala keteiık, būǧan deiın Önerkäsıp jäne qūrylys ministrı Qanat Şarlapaev käsıporyndy Andrei Lavrentev satyp alǧanyn jariialaǧan bolatyn.
