28 qarashada Astananyń aýdandyq sotynda belgili marafonshy Marat Jylanbaev sońǵy sózin sóıledi, dep habarlaıdy «Adyrna» ulttyq portaly.
Advokat Meıirjan Dosqaraev Marat Jylanbaevtyń sottaǵy sońǵy sózi eki jarym saǵatqa sozylǵanyn aıtty. Sondaı-aq aıyptalýshyǵa qatysty sot úkimi 29 qarashada jarııalanýy múmkin ekenin eskertti.
Buǵan deıin prokýror sottan Marat Jylanbaevty 10 jylǵa túrmege qamaýdy suraǵan bolatyn.
«17 qarashada Astanada belgili marafonshy, «Alǵa, Qazaqstan!» oppozıııalyq partııasyn qurý jónindegi bastamashyl toptyń lıderi Marat Jylanbaevtyń isi boıynsha sotta jaryssóz ótti. Sot otyrysy kezinde prokýror sýdıa Sabyrjan Kárimovten sottalýshy Marat Jylanbaevty kináli dep tanyp, 10 jylǵa bas bostandyǵynan aıyrýdy suraǵan», - deıdi Marat Jylanbaevtyń advokaty Meıirjan Dosqaraev.
Jylanbaevtyń sońǵy sózin aıtqan sot otyrysyna adamdar jiberilmegen, otyrys jabyq jaǵdaıda ótken.
Marat Jylanbaev osy jyldyń mamyr aıynda qamaýǵa alynǵan. Polıııa qaýlysynda qoǵam belsendisiniń Qazaqstanda tyıym salynǵan «Qazaqstannyń demokratııalyq tańdaýy» qozǵalysynyń uıymdastyrýshylary men qatysýshylarynyń chatynda bolǵany, osy qozǵalystyń negizin qalaýshy Muhtar Áblıazovpen baılanysta bolǵany, sondaı-aq qozǵalystan «Qazaqstandaǵy konstıtýııalyq qurylysty ózgertý» maqsatyn "qoldaǵany" úshin aıyp taǵylǵan.
Jylanbaev 17 naýryzda ótkizgen akııasy úshin 3 mamyrdan beri ákimshilik qamaýǵa alyndy. 23 naýryzda Jylanbaev bostandyqqa shyǵýy kerek edi, biraq ol bosatylǵan joq. Keıin belgili bolǵandaı, polıııa ony ekstremızmge qarsy kúres bólimine aparyp, sol kúni Jylanbaevtyń saıajaıynda tintý júrgizip, flesh-dısk, telefon jáne «Alǵa, Qazaqstan!» jazýy bar birneshe fýtbolka tárkiledi.
Marat Jylanbaev - 1963 jyly 19 tamyzda Qaraǵandy oblysy, Qarqaraly aýdanynda dúnıege kelgen. 1990 jyldary Qaraqum, Sahara, Úlken Vıktorııa jáne Nevada sııaqty eń úlken shólderdi basyp ótken álemdegi jalǵyz marafonshy. Gınnestiń rekordtar kitabyna jeti ret engen.
«Adyrna» ulttyq portaly
