Túrkistan oblysyna jumys saparymen kelgen QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev aımaq basshysy men aýdan, qala ákimderiniń áleýmettik jelidegi jeke paraqshalarymen tanysty, dep habarlaıdy QazAqparat tilshisi.
Agenttik tóraǵasy paraqshalardaǵy halyqtyń saýaly men ýaqytyly berilgen jaýaptardy kórip, keri baılanysqa joǵary baǵa berdi. Oblys ákimdigine qarasty áleýmettik paraqshalardyń ashyqtyǵyn atap ótti. Alık Shpekbaev sonymen qatar oblys ákimdigi janynan qurylǵan Jobalyq keńseniń jumysymen tanysty. Keńseniń negizgi maqsaty men baǵyt-baǵdary jaıly Túrkistan oblysynyń ákimi Ómirzaq Shókeev aıtyp berdi. Atalǵan keńse 5 negizgi bazalyq baǵytta, ıaǵnı ınfraqurylymnyń damýy, adamı kapıtal, kásipkerlik jáne ındýstrııa, agroónerkásip kesheni jáne memlekettik sektor, memlekettik qyzmet kórsetý men qaýipsizdik negizinde jumys isteıdi. Onda kelýshiler atalǵan 5 baǵyt boıynsha óz jobalaryn usynady, al usynylǵan tıimdi jobalar rýhanı mekendi damytý úshin qoldanylady. Búginde 1300-den asa joba jınalyp, qaralý ústinde.
