Aýa raıynyń buzylýynan Ekibastuz jylý elektr ortalyǵynda qazandyqtar toqtap qaldy, dep habarlaıdy "Adyrna" tilshisi.
Qatty daýyldan túnde Ekibastuz jylý elektr ortalyǵynda qazandyqtar toqtap qalǵan.
"Keshe túnde soqqan daýyldy jeldiń saldarynan keı jerlerde 30 m/s-tan asatyn Ekibastuz JEO kerneýsiz qaldy. GRES-1-den qýat alatyn negizgi jáne rezervtik qosalqy stanııalardyń toqtap qalýyna baılanysty stanııany elektrmen qamtý úzildi. JEO-nyń negizgi jabdyqtary elektr energııasy esebinen jumys isteıtindikten, stansadaǵy qazandyqtar májbúrli túrde óshirildi", - delingen "Ekibastuzteploenergo" JShS habarlamasynda.
Tańǵy 5:15-te jylý elektr ortalyǵynda elektrmen jabdyqtaý qalpyna keltirilgen.
Al Energetıka mınıstrligi saǵat 12.00-degi jaǵdaı boıynsha "№7 qazandyq jumys istep, №14 qazandyq janýda, №11 jáne 15 qazandyqtar jaryqtandyrýǵa daıyndalyp jatyr" degen habarlama joldady.
Daýyldy aýa raıy Pavlodarlyq turǵyndardy da ábigerge salǵan. 18-19 qarasha aralyǵynda Pavlodar oblysynda aýa raıynyń nasharlaýyna baılanysty 100 eldi mekende elektr energııasy úzilip, turǵyndar jaryqsyz qaldy.
Oblystyq tótenshe jaǵdaılar departamentiniń málimetinshe, qazir olardyń 60-ynda ǵana jaryq qalpyna keltirilse, 40-y jaryqsyz.
