QR Joǵarǵy Sotynyń tóraǵasy Jaqyp Asanov myrzaǵa!
QR Bas Prokýrory Ǵızat Nurdáýletov myrzaǵa!
Redakııamyzǵa ádildik surap, jylaǵan Ana habarlasty. Aıtýynsha, izdegeni ádildik, suraǵany shyndyq. Sáýle Ulyqpan Qytaı Halyq Respýblıkasynan Qazaqstanǵa 2007 jyly kóship kelgen. 2009 jyly QR azamattyǵyn alǵan. Sol jyly maýsym aıynyń jetisi kúni Kamal Núsipbaıǵa turmysqa shyqqan. 2010 jyldyń qańtar aıynda tuńǵysh sábıleri dúnıege kelgen. Arada 5-6 aı ótkende sábı shetinep ketken. Dárigerlerdiń qoıǵan dıagnozy júreginde tesik bolypty. Anasy qatty qoryqqanda, shoshynǵanda sábıge solaı áser etedi eken. Sáýleniń aıtýy boıynsha, kúıeýi uryp-soqqan. Birinshi balama aıaǵym aýyr kezde qylqyndyratyn deıdi. Ashýlansa pyshaq ala júgiretin bolypty. Odan keıin de dúnıege eki qyzdy ákelgen.
Aqyry, kúıeýiniń minezine shydaı almaı, 2017 jyldyń mamyr aıynyń 25 ajyrasqan. Ajyrasqan degen aty ǵana, úıden eki qyzymmen birge qýyp jibergen deıdi. Ajyrasqan kezde Sáýle Ulyqpan men Kamal Núsipbaıǵa ortaq 3 úı bolǵan.
Bul Sáýle men Ulyqpanǵa ortaq 3 úıdiń Sáýleniń qolynda bar eki úıdiń qujaty. Kúıeýi eki balasyna osy úsh úıdiń bireýin bermek túgili, alıment te tólemepti. Sottyń sheshimi shyqsa da.
Kúıeýi alıment tólegendi qoıyp, osy úsh úıdi de óz atyna aýdarý úshin Alataý aýdandyq sotyna aryzdanǵan eken, sot Kamal Núsipbaıdyń shaǵymyn qanaǵattandyrmaǵan. Sebebi, zań boıynsha Sáýle teń quqyly menshik ıesi.
Kamal Núsipbaı bolsa artynan Qarasaı aýdandyq sotyna aryz jazǵan. Birinshi sot otyrysy 2019 jyldyń qańtar aıynyń basynda bolǵan. Sýdıa Dúısenbıev R.S bolǵan. Sol kezde birinshi qaralymda sýdıa Dúısenbıev Sáýleden nege Zań júzinde nekege otyrmadyńyzdar dep surady. Sóıtse, Kamal Núsipbaı syrttaı jalǵan neke kýáligin jasatqan eken. Sáýle Zań júzinde nekedemiz dep oılaǵan. Bul jaǵdaıda jalǵan neke kýáligin jasaǵandar da jaýapqa tartylý kerek.
Sýdıa Dúısenbıev sol kezde Sáýlege "nege úıden ketip qaldyńyz? Ketpeı otyryp alǵanda zań boıynsha myna men sýdıa da úıden shyǵara almaımyn" degen.
Sottyń úshinshi qaralymynda sýdıa Dúısenbıev "jalǵan neke kýáligi týraly áńgime qozǵamańdar, myna úsh úıde ortaq múlik bolyp tabylady jáne teń bólinýine bolady" dedi. Jáne sol kezde sýdıa Dúısenbıev naqtylap, Alataý aýdandyq sotynyń sheshimin buza almaımyn dedi. Sot sol sheshimde qalady dedi.
Sáýle Ulyqpan eki qyzymen páterden páterge kóship júrgen kezde, qyzy Meıirbandy kólik qaǵyp, qaıtys boldy. Bul týraly "Adyrna" ulttyq portalynda 15 mamyrda
Bastyqtarǵa zań bar ma nemese olarǵa neshe adamdy óltirýge bolady? atty maqala shyqqan bolatyn.
Biraq, artynan sýdıa Dúısenbıev sózinen taıyp, mamyr aıynyń 21-i kúni Kamal Núsipbaıdyń paıdasyna sot sheshimin shyǵardy. Sáýleniń aıtýy boıynsha, sotta barmaq basty, kóz qysty bolǵan. Sebebi, sot kelmeı turǵan kezde Kamal Núsipbaı men sottyń kómekshisi ekeýi bir-birine kóz qysysyp, áńgime aıtyp, máz-meıram boldy. Soǵan qaraǵanda sotty satyp aldy ma dep kúdiktenem deıdi.
Sáýle Ulyqpannyń aıtýynsha, sot tek ádil sheshim shyǵarsa deıdi. Óziniń zańdy qujattary arqyly ózine tıesili zattarǵa ǵana ıelik etsem boldy. Baspasóz arqyly, sot arqyly ádildikke jetsem deıdi. Sotqa degen, ádildikke degen halyqtyń senimi setinemese eken degen Sáýleniń sózin qaz-qalpynda berip otyrmyz.
P.S. Avtordyń pikiri redakııanyń kózqarasyn bildirmeıtinin eskerte ketemiz. "Adyrna" portaly ashyq pikir alańy bolǵandyqtan, qarsy taraptyń da pikirin jarııalaýǵa daıynbyz.
Ońǵar Qabden
"Adyrna" ulttyq portaly
