Syrtqy ıster vise-premer – ministrı Mūrat Nūrtıleu Saud Arabiiasynyŋ astanasynda ötken Arab Memleketterı Ligasynyŋ (LAG) jäne İslam Yntymaqtastyǧy Ūiymynyŋ (İYŪ) kezekten tys bırlesken sammitıne qatysty, dep habarlaidy "Adyrna" tılşısı Qazaqstannyŋ Syrtqy ıster ministrlıgıne sılteme jasap.
Sammitte Syrtqy ıster ministrı Qazaqstan BŪŪ Bas Assambleiasynyŋ 27 qazandaǧy tötenşe arnaiy sessiiasynda İordaniia Haşimit Koroldıgı ūsynǧan atysty toqtatuǧa şaqyratyn qararǧa dauys bergenın aitty.
Mūrat Nürtıleu beibıt tūrǧyndar, onyŋ ışınde köp balalar, äielder men qart adamdar soǧystyŋ jazyqsyz qūrbany bolǧanyn atap öttı. Gaza sektoryndaǧy äielderdıŋ, balalardyŋ jäne qarttardyŋ qauıpsızdıgı basty basymdyq bolyp qala beretının jetkızdı.
Syrtqy ıster ministrınıŋ aituynşa Qazaqstan Egipettıŋ azamattyq halyqqa medisinalyq jäne gumanitarlyq kömek körsetu üşın dälızder beru turaly şeşımın maqūldaidy. Qazaqstan Palestinanyŋ bauyrlas halqy üşın bır million dollar aqşa jıberıp, qosymşa gumanitarlyq kömek jetkızudı josparlap otyr. QR SIM basşysy Qazaqstannyŋ 150-den astam azamatynyŋ elge orala almai jatqanyn da aitty.
Mūrat Nūrtıleu söz soŋynda, Qazaqstan Taiau Şyǧysta berık beibıtşılık ornatu üşın kez kelgen küş-jıgerdı qoldauǧa daiyn ekenın jetkızdı.«Men būl mümkındıktı paidalana otyryp Egipettı jäne barlyq qatysuşy tarapty, Qazaqstan azamattaryn, olardyŋ otbasy müşelerın jäne basqa da şeteldıkterdı Gaza sektorynan sözsız evakuasiialauǧa şaqyramyn. Bız būl azamattarǧa Rafakty kesıp ötuge rūqsat etılgennen keiın bırden Qazaqstanǧa evakuasiialanuy üşın şaralar qabyldadyq», — dep atap öttı QR Syrtqy ıster vise-premer – ministrı Mūrat Nūrtıleu.«Qazaqstan barlyq halyqaralyq jäne gumanitarlyq ūiymǧa Gaza sektoryndaǧy qazırgı asa kürdelı jaǧdaiǧa aralasuǧa şaqyrady. Osy maqsatta bız Gaza sektorynyŋ tūrǧyndary üşın Tötenşe gumanitarlyq azyq-tülık baǧdarlamasyn ıske asyru üşın Azyq-tülık qauıpsızdıgı İslam Ūiymynyŋ qoldanystaǧy tetıgın paidalanudy ūsynamyz», — dedı sammitte söilegen sözınde Syrtqy ıster vise-premer – ministrı.
Ūqsas jaŋalyqtar
