Türkiiada Qazaq qandas aǧaiyndar köp qonystanǧan Zeitinburnu audany äkımdıgınıŋ “Kazlycheşme” mädeniet saraiynda 8-nşı halyq aralyq “Küzgı Ystanbūl” festivalınıŋ aiasynda horeografiialyq Bi baiqauy ötkızıldı.
Oǧan Qazaqstan, Özbekstan, Qyrǧystan elderınen 4 tan 17 jas aralyǧyndaǧy bişı jas öspırımder qatysty. Şara Qazaqstan horeografiia bişıler assosiiasy, Qazaqstannyŋ Ystanbūldaǧy Bas konsuldyǧy qoldau körsettı. Qazaqstan Bi önerınıŋ negızın qalauşy, ataqty bişı Şara Jienqūlova apamyzdyŋ ız basarlary Aqtöbe, Atyrau, Almaty, Taraz, Taldyqorǧan qalalarynan “Nūr bi ansambılı, Tūmar, Älem, Aqyl syry, Aişa bibı, Altyn dän, Tolqyn, Qazaq elı” atty bi ansambılderı qatysty. Qazaqtyŋ ūlttyq kiımderın kigen, qoldarynda dombyra, üsterınde Qazaqtyŋ oiu örnektı kamzoly, bastarynda ükılı börıkı bar büldırşınder ūlttyq önerımızdı şet elde, Türkiiada jaqsy tanytty. Mıne Qazaq, mıne dombyra, myŋ būrylǧan bige jinalǧandar zor qoşemet körsettı. Jiynda Qazaqstannyŋ eŋbek sıŋırgen qairatkerı, Dünie jüzı Qazaqtary qauymdastyǧynyŋ Türkiiadaǧy üäkılı, Qazaqstan mädeniet jäne sauda ortadyǧy töraǧasynyŋ orynbasary Erjan Uäiıs qūttyqtau söz söiledı.
Qazaq elşısı Erkebūlan Säpievtıŋ qūttyqtau sözın jetkızdı. Būl kezdesu Türkiia memeleketınıŋ 100 jyldyǧy, Qazaqstan men Türkiia bailanystarynyŋ 31 jyldyǧy, “Türksoi” dyŋ 30 jyldyǧy qūrmetıne ötkızılıp otyr. Mädeni jäne dostyq bailanystar jan jaqty damuda, öitkenı bız tübımız Türık, dınımız, dılımız, ädet ǧūryp, salt dästürımız ortaq. Endeşe ekı el qatynastary mäŋgı jasaidy. Festivaldı ūiymdastyruşylardyŋ bırı Qazaqstandyq Kämila Seiılhanova jyly qabyldau üşın Türık elıne alǧysyn bıldırdı.
Qazylar alqasy: Ystanbūlda tuyp ösken Qazaq qandasymyz, öner maitalmany, änşı Beşır Köse, Maltepe universitetınıŋ professory Noǧai Türkı, dombyraşy Sedat Şolaqūly, Ystanbūlda mädeni şaralardy ötkızuge qatynasatyn mädeniet qairatkerı Qazaq qyzy Anar Baijanova ädıl baǧasyn berdı. Qatynasuşylarǧa 1 jäne 2şı oryndar, Bas jülde, 500 AQŞ dollary qarajaty, festivaldıŋ kuboktary, estelık, syilyqtary, alqalar, medaldardy qazylar alqasynyŋ mūşelerı, qoǧam qairatkerı Erjan Uäiıs tabystady. “Festivalǧa qatynasuşy är bır jas büldırşınder, jas öspırımderdıŋ bärıde jeŋımpaz atandy, barlyǧyda bırınşı oryn aldy, öitkenı olar Qazaq halqynyŋ Bi önerın, dombyrasyn, ūlttyq mädenietımızdı Anadolu elıne paş ettı, ärı qarai Evropa elderıne baryp öner körsetedı, bärıne de sättılık tıleimız” - dedı E.Uäiıs.
Jalpy Qazaqstannyŋ är tükpırınen kelgen 100 den astam jas önerpaz öner körsettı olardyŋ qasynda 120 ata - analary boldy, iaǧni 220 Qazaqstandyqtar, jergılıktı Qazaq diasporasynyŋ ökılderı, Ystanbūlda Nide obylysyndaǧy İsmilköi Qazaq qauymdastyǧynyŋ basşysy Mehmet Älım, Almaniiada Koln qalasyndaǧy Qazaq qauymdastyǧynyŋ teŋ töraǧasy, dombyraşy, Qazaq qandasymyz Mehmet Qasentu t.b osynda oqyityn Qazaq student jastary qatysty .
Qazaqtyŋ än ūrany şyrqalyp, sahnada Qazaqtyŋ kök tuy jelbıredı.
