Túrkııada Qazaq qandas aǵaıyndar kóp qonystanǵan Zeıtınbýrný aýdany ákimdiginiń “Kazlycheshme” mádenıet saraıynda 8-nshi halyq aralyq “Kúzgi Ystanbul” festıvaliniń aıasynda horeografııalyq Bı baıqaýy ótkizildi.
Oǵan Qazaqstan, Ózbekstan, Qyrǵystan elderinen 4 tan 17 jas aralyǵyndaǵy bıshi jas óspirimder qatysty. Shara Qazaqstan horeografııa bıshiler assoııasy, Qazaqstannyń Ystanbuldaǵy Bas konsýldyǵy qoldaý kórsetti. Qazaqstan Bı óneriniń negizin qalaýshy, ataqty bıshi Shara Jıenqulova apamyzdyń iz basarlary Aqtóbe, Atyraý, Almaty, Taraz, Taldyqorǵan qalalarynan “Nur bı ansambili, Tumar, Álem, Aqyl syry, Aısha bıbi, Altyn dán, Tolqyn, Qazaq eli” atty bı ansambilderi qatysty. Qazaqtyń ulttyq kıimderin kıgen, qoldarynda dombyra, ústerinde Qazaqtyń oıý órnekti kamzoly, bastarynda úkili bóriki bar búldirshinder ulttyq ónerimizdi shet elde, Túrkııada jaqsy tanytty. Mine Qazaq, mine dombyra, myń burylǵan bıge jınalǵandar zor qoshemet kórsetti. Jıynda Qazaqstannyń eńbek sińirgen qaıratkeri, Dúnıe júzi Qazaqtary qaýymdastyǵynyń Túrkııadaǵy úákili, Qazaqstan mádenıet jáne saýda ortadyǵy tóraǵasynyń orynbasary Erjan Ýáıis quttyqtaý sóz sóıledi.
Qazaq elshisi Erkebulan Sápıevtiń quttyqtaý sózin jetkizdi. Bul kezdesý Túrkııa memeleketiniń 100 jyldyǵy, Qazaqstan men Túrkııa baılanystarynyń 31 jyldyǵy, “Túrksoı” dyń 30 jyldyǵy qurmetine ótkizilip otyr. Mádenı jáne dostyq baılanystar jan jaqty damýda, óıtkeni biz túbimiz Túrik, dinimiz, dilimiz, ádet ǵuryp, salt dástúrimiz ortaq. Endeshe eki el qatynastary máńgi jasaıdy. Festıvaldi uıymdastyrýshylardyń biri Qazaqstandyq Kámıla Seıilhanova jyly qabyldaý úshin Túrik eline alǵysyn bildirdi.
Qazylar alqasy: Ystanbulda týyp ósken Qazaq qandasymyz, óner maıtalmany, ánshi Beshir Kóse, Maltepe ýnıversıtetiniń professory Noǵaı Túrki, dombyrashy Sedat Sholaquly, Ystanbulda mádenı sharalardy ótkizýge qatynasatyn mádenıet qaıratkeri Qazaq qyzy Anar Baıjanova ádil baǵasyn berdi. Qatynasýshylarǵa 1 jáne 2shi oryndar, Bas júlde, 500 AQSh dollary qarajaty, festıvaldiń kýboktary, estelik, syılyqtary, alqalar, medaldardy qazylar alqasynyń musheleri, qoǵam qaıratkeri Erjan Ýáıis tabystady. “Festıvalǵa qatynasýshy ár bir jas búldirshinder, jas óspirimderdiń báride jeńimpaz atandy, barlyǵyda birinshi oryn aldy, óıtkeni olar Qazaq halqynyń Bı ónerin, dombyrasyn, ulttyq mádenıetimizdi Anadolý eline pash etti, ári qaraı Evropa elderine baryp óner kórsetedi, bárine de sáttilik tileımiz” - dedi E.Ýáıis.
Jalpy Qazaqstannyń ár túkpirinen kelgen 100 den astam jas ónerpaz óner kórsetti olardyń qasynda 120 ata - analary boldy, ıaǵnı 220 Qazaqstandyqtar, jergilikti Qazaq dıasporasynyń ókilderi, Ystanbulda Nıde obylysyndaǵy Ismılkóı Qazaq qaýymdastyǵynyń basshysy Mehmet Álim, Almanııada Koln qalasyndaǵy Qazaq qaýymdastyǵynyń teń tóraǵasy, dombyrashy, Qazaq qandasymyz Mehmet Qasentý t.b osynda oqyıtyn Qazaq stýdent jastary qatysty .
Qazaqtyń án urany shyrqalyp, sahnada Qazaqtyń kók týy jelbiredi.
