Mūnai kelısımı Nazarbaev üşın zor kelısım bolǧan şyǧar, halyqqa qor kelısım boldy - Qazybek İsa

Bügın QR Parlamentı Mäjılısınıŋ jalpy otyrysynda Mäjılıs deputaty Qazybek İsa QR Premer-Ministrı Ä.Smaiylovqa elımızdegı strategiialyq ken oryndarymen jasalǧan qūpiia kelısımşarttardy qaita qarau turaly“Aq jol” fraksiiasynyŋ deputattyq saualyn joldady. QR Premer-Ministrı Ä.Smaiylovqa 1.“Aq jol” partiiasy bilık oilaryna kelgenın ıstegen otyz jyldaǧy mūnai-gaz, iaǧni strategiialyq ken oryndarymen jasalǧan  qūpiia kelısımşarttardy qaita qaraudy, halyqqa tiımsız, ädıletsız kelısımderdı toqtatudy  talaidan berı köterıp keledı. 2.• Şeteldıktermen ken oryndary jaily jasasqan Önımdı bölu Kelısımderın (ÖBK) aşyq jariialau kerek. • Strategiialyq ken oryndaryndaǧy elımız ülesı 51%-dan az bolmauyn zaŋmen bekıtu kerek. • Bız halqymyzǧa qatysty ädıletsız bolǧan jaǧdaida, Önımdı bölu Kelısımderın zaŋsyz dep tanu kerek. 3.Önımdı bölu turaly kelısım degen ne? Ol – qaşanda eldıŋ emes, tek investordyŋ müddesı men paidasyn ǧana qorǧaidy. Damyǧan elderde mūndai kelısım jasalmaidy. 4.Mysaly, BAQ mälımetınşe,  memleketke Qaşaǧandaǧy mūnai mūhitynan tietını tamşydai ǧana - 2 paiyz?!. Al Qaşaǧan Qazaqstanda öndırıletın bükıl mūnaidyŋ 20 paiyzyn beredı. Osy orasan mūnai kenışınen bızge tüsetın paida joqtyŋ qasy bolsa, būl jerde eşqandai da investordyŋ elge tigızer igılıgı joq! Būl-şeteldık investor men sol kezdegı prezident Nazarbaev üşın zor kelısım bolǧan şyǧar, halyq üşın qor kelısım boldy! Bız osy qorlyqqa  otyz jylǧa juyq tözıp kelemız! 5.Bızdıŋ şekesı tar şeneunıkter şeşımıne sai, jer qoinauynyŋ iesı - Qazaqstan halqy şeteldıkterdıŋ öz menşıkterın qalai paidalanyp jatqanyn bılmeuı kerek?!. Iаǧni, bar bailyǧyŋdy tonap jatqandardan “ne ıstep jatsyŋdar?” dep sūrauǧa bolmaidy eken… 6.Konstitusiiaǧa säikes, Qazaqstanda halyqaralyq şarttar parlament olardy ratifikasiialaǧan jaǧdaida ǧana ūlttyq zaŋnamadan üstem bola alady. Al Önımdı Bölısu Kelısımı Parlamentte talqylanbaǧan jäne ratifikasiialanbaǧan, sondyqtan olar bızdıŋ zaŋdarymyz ben Konstitusiiamyzǧa baǧynuy tiıs. 7.Bız Ükımetke qūpiia kelısım (ÖBK) şarttaryn jariialaudy talap etıp, ekı ret deputattyq saual joldadyq. Älihan Smaiylov myrza, özıŋız bastap, Ükımet ekeuınde de bas tartty. 8.Qara altynymyz,  mūnaiymyz – ekonomikalyq qan tamyrymyz. QANYMYZDY KIMDER QALAI SORYP JATQANYN BILUGE QAQYMYZ BAR MA, JOQ PA? Halyqtan jasyryp, halyq bailyǧyn şetelge asyryp otyrǧandardyŋ atyn bıluge halyqtyŋ tolyq qaqysy bar! 2022 jyly jazda Qazaqstan Prezidentı Qasym-Jomart Toqaev būrynǧy önımdı bölu turaly kelısımşarttar 30 jyl būryn basqa jaǧdaida jasalǧanyn, qazır olarǧa tüzetu engızu kerektıgın aitty. 9.Qazaqstanda Älemdık Bank zertteuınşe, sirek asyl qazynalar jatqan  5 myŋ kenıştıŋ   qūny 46 trillion dollardan asady!?. Al osy altyn qazynanyŋ üstınde jalaŋaiaq otyrǧan elde balalaryna süt satyp äpere  almai otyrǧandar az emes… Mūnaiyna ie bolǧandar qūdaiyna baǧynǧysy kelmei jatqan zamanda bız Mūnai men gazdyŋ üstınde tezek jaǧyp otyryp,   özge elderdıŋ soŋynda tezek terıp qaldyq. 10.İä, otyz jyl jasyrylǧan minalar jaryla bastady. Qaŋtar qasıretı de, Qaraǧandy qaiǧysy da sol jarylystar! Ädettegıdei, kezektı ret bolyp otyrǧan Qaraǧandydaǧy qaraly oqiǧalar jüzdegen adam ömırın qidy. Kenşılerdıŋ qauıpsızdıgın, ömırın  oilamaityn, tek temırı men kömırın oilaityn, kömır qazuşylardy özderıne qabır qazuşylarǧa ainaldyrǧan qandai kelısım-şart ol.?!. Qaptaǧan qabırlerdıŋ üstınde Mittaldyŋ milliardtar sanauy, al bızdıŋ qūrbandyqtar sanauymyz qaşan toqtaidy?!. 11.Halyq tübegeilı özgerıstı, Ädılettı Qazaqstandy erteŋ emes - bügın, qaǧaz jüzınde emes - ömırde körgısı keledı! Ūsynystar: 1. BARLYQ ÄDILETSIZ JASALǦAN KEN ORYNDARY KELISIMDERIN ZAŊSYZ DEP SANAIMYZ! OLARǦA TÜGEL AUDİT JASALUY TİIS. 2. Aldaǧy uaqytta jer qoinauyn paidalanu kelısımşarttarynda qoǧam üşın jabyq baptar men normalardy qoldanuǧa tyiym saludy talap etemız. 3. Konstitusiia normasyna sai strategiialyq ken oryndardaǧy Qazaqstannyŋ ülesın 51%-dan az bolmauyn zaŋmen belgıleudı ūsynamyz.