Memleket basshysy Qasym-Jomart Toqaev Nepal Prezıdenti Ram Chandra Paýdelge kóńil aıtý jedelhatyn joldady, dep habarlaıdy "Adyrna" tilshisi Aqordaǵa siltep.
Qasym-Jomart Toqaev Nepal Prezıdenti men halqyna jer silkinisi saldarynan qaıtys bolǵandarǵa baılanysty kóńil aıtý jedelhatyn jiberdi.
«Men Nepaldaǵy joıqyn jer silkinisiniń saldarynan kóptegen adamdardyń qaza tapqany jáne qurban bolǵany týraly habardy qatty ókinishpen qabyldadym. Qazaqstan halqynyń atynan jáne jeke óz atymnan Sizge jáne jaqyndarynan aıyrylǵan otbasylarǵa kóńil aıtamyn. Tabıǵat apatynan zardap shekkenderdiń tezirek saýyǵyp, habarsyz ketken azamattardyń otbasylaryna oralýyn tileımin», - delingen jedelhatta.
Eske sala keteıik, Nepaldaǵy joıqyn jer silkinisinen 128 adam qaıtys boldy. Habarsyz joǵalyp ketken azamattardy izdeý jumystary júrgizilýde.
