Qasym-Jomart Toqaevtyń Respýblıkalyq qoǵamdyq shtabynyń Aqtóbe oblysyndaǵy saparynda aqtóbelik aıtysker aqyn Marat Ahmetov halyqty Toqaevqa daýys berýge shaqyrdy. Máýlen Áshimbaev, Bekbolat Tileýhandar qatysqan bul jıynda arnaý aıtqan Marat Ahmetov 9 maýsymdaǵy saılaýda halyqty Qasym-Jomart Toqaevqa daýys berýge shaqyrdy.
El bolyp erteńge jol bastap ediń,
Bodandyqtyń tumanyn ashqan ediń.
Otyz jyldaı táýelsiz tań atyrdyq,
Ótken kúniń tom tarıh, dastan elim.
Ótkeniń búginińnen múlde bólek,
Ony ózińde beresiń rastap elim.
Elbasyny qoldaǵan elim meniń,
Shattyǵyńnyń shashýyn shashqan ediń.
Eldiktiń synǵa túser sáti mynaý,
Baıqamaı baqytyńnyń baspa belin.
Saılaý aldy partııa múshesi bop,
Aıtarym dushpanym joq dosqa meniń.
Kósegeńdi kógertken Nur Otannan,
Eshqandaı tańdaýym joq basqa meniń! - degen aqynnyń jyryna partııa músheleri dý qol shapalaqpen qoldaý bildirip otyrdy.
Kemeluly bastaǵan bul qazaqtyń
Kelisti keleshegi kemel bolsyn dep aıaqtady aıtysker aqyn arnaýyn.
[video width="640" height="352" mp4="https://adyrna.kz/content/uploads/2019/05/marat.mp4"][/video]
Esterińizge sala keteıik, "Aıtysker aqyndar men jyrshy-termeshilerdiń halyqaralyq Odaǵynyń" II Quryltaıynda aqyndar saılaýda Qasym-Jomart Toqaevty qoldaıtyndaryn sheshken bolatyn.
Biraq, aıtysker aqyn Rınat Zaıytov "Adyrna" ulttyq portalyna bergen suhbatynda bul oımen kelispeıtinin aıtqan bolatyn.
https://adyrna.kz/adyrna-media-portal/rinat-zajytov-bankterdi-b-ri-zderiniki/
"Adyrna" ulttyq portaly
