Qaraǵandy oblysy ákiminiń orynbasary Almas Aıdarov tańǵy beste tort kesip jatyp, pyshaq abaısyzda keýdesine kirip ketken degen aqparat áleýmettik jelide jeldeı esken bolatyn. Almas Aıdarovtyń jaralanyp qalǵany jónindegi aqparat Qaraǵandy qalalyq polıııa bólimine 26 mamyr kúni saǵat 05.30-da túsken.
Sheneýniktiń bergen túsiniktemesi boıynsha, ol tort kesip jatqanda qoly taıyp ketip, keýdesiniń sol jaq tusyn pyshaqpen jaraqattap alǵan eken. Tártip saqshylarynyń aıtýynsha, oblys ákiminiń orynbasary eshkimge kiná artpaǵan, qandaı da bir aryz-shaǵym jazýdan bas tartqan.
Oqys oqıǵa týraly A.Aıdarovtyń ózi feısbýk jelisindegi paraqshasynda mynadaı jazba qaldyrdy:
«Dostar, meniń densaýlyǵym týraly aqparatqa baılanysty kóptegen qońyraýlar túsip jatyr. Ýaıymdaǵandaryńyzǵa rahmet! Mende bári jaqsy – kádimgi úıdegi jaraqat. Keshke qaraı baıqamaı kesip aldym, túnde qanaı bergen soń, tań atqanyn kútpesten jedel járdem shaqyrýǵa týra keldi».
Oblys ákiminiń baspasóz qyzmetine habarlasqanymyzda Aıdarovtyń jaǵdaıyna alańdaýǵa eshqandaı negiz joq ekenin. qazir oblys ákiminiń orynbasary jumysta ekenin habarlady.
35 jastaǵy Almas Aıdarov 2017 jyldyń 28 maýsymynan bastap Qaraǵandy oblysy ákiminiń ónerkásip, shaǵyn jáne orta bıznesti damytý, ındýstrııalandyrý jáne ınvestıııa jónindegi orynbasary qyzmetin atqaryp keledi.
"Adyrna" ulttyq portaly
