Egıpette ótken kadetter arasyndaǵy shahmattan álem chempıonatynda 10 jastaǵy Danıs Qýandyquly altyn medal jeńip aldy. Bul týraly Jansaıa Ábdimálik shahmat akademııasynyń baspasóz qyzmeti aıtty, dep habarlaıdy «Adyrna» tilshisi.
«2023 jylǵy 16-26 qazan aralyǵynda Sharm-el-Sheıh qalasynda «8, 10 jáne 12 jasqa deıingi» jas sanattarynda shahmattan álem chempıonaty ótti. Bul týrnır jas shahmatshylar úshin negizgi jáne eń bedeldi jarys bolyp tabylady. Jansaıa Ábdimálik shahmat Akademııasynyń «Spe» tobynyń oqýshysy, Danıs Qýandyquly «10 jasqa deıin» jas sanatynda óner kórsetti»,—delingen habarlamada.
11 týrdyń qorytyndysy boıynsha jas shahmatshy 9 upaı jınap, 7 jeńiske qol jetkizdi, 4 ret teń oınady.
«Danıs Qýandyqulynyń jetistigi qazaqstandyq shahmat úshin tarıhı bolyp tabylady, óıtkeni uldar mundaı deńgeıdegi jarystarda eshqashan álem chempıony atanǵan emes. Qorytyndy kestede Danıs AQSh, Reseı jáne Qytaıdan kelgen eń myqty shahmatshylardan asyp tústi.
Danıs Akademııada 5 jasynan bastap bizde oqıdy, sport sheberine kandıdat, óziniń jas sanatynda Almaty men Qazaqstannyń qazirgi chempıony bolyp tabylady»,—dep tolyqtyrdy shahmat akademııasy.
