Sońǵy bir apta ishinde Tashkent bıligi 10 halal meıramhanany jabýǵa sheshim qabyldaǵan. Atalmysh meıramhanalarda alkogol satylmaǵan. Bul týraly «Azattyq radıosy» jarııalady, dep habarlaıdy “Adyrna” ulttyq portaly.
Málimet boıynsha, aqparatty anonımdi túrde meıramhana ıeleri bergen. Olar meıramhanalardy qaıta ashý úshin spırttik ónimderdi satý keregin aıtqan.
Aıta keteıik, spırttik ónimderdi Islam dini boıynsha satý men qoldanýǵa tyıym salynǵan, alaıda Ózbekstanda oǵan tyıym joq.
Kásipkerler tekserýshi tarap meıramhanany ne úshin jabatynyn eskertpegenin, qujat ta kórsetpegenin málimdedi. Sanepıdemıologııa qyzmeti de naqty sebepti aıtpaǵan.
Ozodlıktiń jazýynsha jabylatyn meıramhanalardy aldyn-ala tekserý áreketteri bolǵan. Ákimdik qyzmetkerleri meıramhanalarǵa kelip, ishimdik tapsyrys berip, syıyný bólmeleriniń bar-joqtyǵyna kóz jetkizgen. Osyndaı tekserýlerden keıin jabylýǵa tıis meıramhanalar tizimi jasalǵan.
Sanepıdstanııa meıramhananyń ashanasyn tekserdi, al salyqtyq bólimsheler kassa men qujattardy qarady. Qaýipsizdik qyzmetteri syıyný bólmeleri bar-joqtyǵyn qarap, meıramhana qyzmetkerlerine dinı baǵyttaǵy suraqtar qoıdy. Keıde olardyń telefondaryn da tekserip shyqty, - deıdi meıramhana ıeleri.
Birqatar aqparat kózderi Ózbekstanda sońǵy aılarda dinı radıkalızmge qarsy kúresti kúsheıtý áreketteri bastalǵanyn habarlady. Tashkentte dinı kitap, ıis sý jáne kıim satatyn dúkenderdi qatań baqylaýǵa alý, tipti jabý áreketteri iske asty. Dúken ıelerine dúkenniń dinı ataýlaryn ózgertip, dúken syrtyndaǵy jáne ishindegi arabsha jazýlardy alyp tastaý tapsyrylǵan.
Sonymen birge áıelderge hıdjab kııýge tyıym salynsa, erlerge saqalyn qyrý tapsyrylǵan.
