Endi eldegi 4 uıaly operatordyń úsheýi "Qazaqtelekomdiki" bolady
Tele2 AB toby birlesken kásiporyndaǵy óz úlesiniń baǵasy jóninde "Qazaqtelekommen" kelisti, dep habarlaıdy Zakon.kz Forbes.kz-ke silteme jasap.
Qazirgi passıvti mindettemelerin sanamaǵanda Tele2-niń taza tabysy 169 mln dollardy quraıtyn bolady. Sonymen qatar, Tele2 akıoneriniń 80 mlrd teńgelik nesıesi tolyq óteledi.
Tele2-ni satý maýsymnyń sońynda aıaqtalady.
– Tele2 Qazaqstanda sátti bıznes qurdy. Birlesken kásiporyn klıentter bazasyn aıtarlyqtaı ulǵaıtyp, tabysyn, naryqtaǵy úlesin keńeıtti. Tele2 Qazaqstanǵa kirgen kezden beri bir klıentke shaqqandaǵy mobıldi ınternetti tutyný júz eseden astamǵa ósti. Men Qazaqstanda qaldyrǵan mol muramyzdy maqtan etemin, – dedi Tele2 prezıdenti men bas atqarýshy dırektory Anders Nılsson.
Tele2 AB toby men "Qazaqtelekom" mobıldi baılanys salasyndaǵy bıznesterin biriktirý týraly 2015 jyldyń qarashasynda kelisken bolatyn. Shveııalyq operatordyń 3 jyldan keıin akııadaǵy óz úlesin satý quqyǵy bolǵan, 2018 jyldyń sońynda kompanııa sol quqyǵyn paıdalanatyn bolyp sheshti.
Qazaqstannan Tele2 ketkennen keıin "Qazaqtelekom" eldegi 4 operatordyń úsheýin baqylaıtyn bolady: Kcell, Tele2 jáne Altel.
Endi elimizdegi mobıldi baılanys naryǵynda tek Beeline ǵana táýelsiz oıynshy bolyp qalady.
