Polisiia 4 myŋnan asa jol apatyn esepke almaǧan. Būl turaly Qazaqstan Respublikasynyŋ Bas prokuraturasy poliseiler jol-kölık oqiǧasy turaly mälımetterdı jasyryp, būrmalaitynyn aitty, dep habarlaidy “Adyrna” ūlttyq portaly kolesa.kz saityna sılteme jasap.
Qūqyqtyq statistikany būrmalau äreketı köbeiıp kettı. Keiıngı üş jylda tört myŋnan asa jol apaty zaŋ aiasynda tırkelmegenı anyqtaldy, — dedı bas prokuror Berık Asylov.BaigeNews.kz habarlaǧandai, Qūqyqtyq statistika jäne arnaiy esepke alu jönındegı komitetı eldegı jol-kölık oqiǧasy turaly mälımettı ünemı tekserıp, salystyryp otyrady.Degenmen, jazataiym oqiǧany oǧan jauapty lauazymdy tūlǧa jeke paidasy üşın tırkemei, jasyryp qaluy mümkın ekenın de aitty. Sondyqtan komitet baqylaudy küşeitıp, kınälı qyzmetkerlerdı qataŋ jazalau arqyly jol apatyn jasyru faktısın toqtatuǧa bolady dep sanaidy. Prokuraturanyŋ aiyptauyna jauap retınde QR ışkı ıster ministrınıŋ orynbasary İgor Lepioha jol-kölık oqiǧasyn jasyru faktısıne qatysty tergeu jürıp jatqanyn aitty.
Būl faktılerdı Qūqyqtyq statistika jäne arnaiy esepke alu jönındegı komitetpen bırge tekserıp jatyrmyz, eger zaŋ būzǧany anyqtalsa, barlyq qyzmetker jauapqa tartylady, — dedı polisei.Aqparatqa süiensek, poliseiler statistikany ünemı özgerte bergen soŋ osydan on şaqty jyl būryn jol-kölık oqiǧasyn esepke alu funksiiasy prokurorlarǧa berılgen. Biyl 9 aida Qazaqstanda jol apatynan 1680 adam köz jūmdy. Byltyr 2425 otandasymyz qara jolda qaza tapqan. 2021 jyly — 2270, al 2020 jyly — 1997 adam. Keiıngı bes jylda elımızde jol apaty 10 myŋnan asa adamnyŋ ömırın jalmady, būl oblystyq maŋyzy bar qala halqynyŋ sanymen bırdei.
Ūqsas jaŋalyqtar
