23 qazan – Halyqaralyq qar barysy kúni. (International Snow Leopard Day). Ataýly mereke 2013 jyly Qyrǵyzstan astanasy Bishkekte ótken qar barysyn qorǵaý týraly Dúnıejúzilik forýmda qabyldanǵan.
Merekeniń negizin qalaýshylar osy kúnniń kómegimen qar barysyn qorǵaýǵa, olardyń tirshilik etetin mekenderiniń problemalaryna qoǵam nazaryn aýdarýdy kózdeıdi.
Qar barysy taralý aýqymy men sany azaıa bastaǵan jyrtqysh retinde Qazaqstannyń Qyzyl kitabyna engen. Ekologııa, geologııa jáne tabıǵı resýrstar mınıstrliginiń habarlaýynsha, búginde el aýmaǵynda 100-den astam qar barysy bar. Ókinishke qaraı, olardyń sany jyl saıyn azaıyp keledi.
