Shyǵys Qazaqstan oblysynyń ákimi Danıal Ahmetov Semeı qalasyna jumys sapary barysynda Qaraǵaıly shaǵyn aýdanynda bolyp, bes kóp balaly anaǵa jańa turǵyn úıdiń kiltin tabys etti.
Páterlerdi aralaǵan óńir basshysy turǵyn úılerdiń sapasyna rıza boldy. D. Ahmetov kóp balaly analardy jańa qonystarymen quttyqtap, barlyǵyna densaýlyq pen baqyt tiledi.
- Búgin biz Elbasy Nursultan Ábishuly Nazarbaevtyń tapsyrmasy boıynsha alǵashqy qadamdar jasadyq, - dedi D. Ahmetov. - Bıyl kópbalaly analarǵa 200-den astam páter beriledi. Osy jumystar Semeı qalasynda bolyp jatqanyna qýanyshtymyn. Bul shaǵyn aýdan men úshin erekshe. Meniń oıymsha, Qaraǵaıly etalondyq aýdan bolyp, Semeıdiń alǵa qaraı damıtyn standarttaryn qalyptastyrady.
Óz kezeginde kóp balaly analar ákimge alǵys aıtyp, jyly lebizderin bildirdi.
- Osyndaı qymbat syılyq úshin Elbasyna rahmet, - dedi kóp balaly ana Aıtbýba Aısanova. - Bizge qurmetpen qaraıtyny úshin qýanyshtymyn. Barshańyzǵa beıbit aspan men amandyq tileımin. Balalarymyz aman bolsyn. Osynyń bárin saqtaıyq jáne kóbeıteıik.
Qurylys salýshylarmen áńgimelesý barysynda D. Ahmetov shaǵyn aýdannyń arhıtektýralyq kelbetin árlendirýdi tapsyrdy. Jalpy, aımaq basshysy Qaraǵaıly aýdanynda salynyp jatqan turǵyn úıdiń sapasyn joǵary baǵalady.
