Bas prokýratýra saılaý boıynsha azamattarǵa eskertý jasady
Almaty qalasy men Almaty oblysynyń eki turǵyny áleýmettik jelilerde saılaýǵa qatysty saýalnama júrgizgeni úshin ákimshilik jaýapkershilikke tartyldy, dep habarlaıdy bas prokýratýranyń baspasóz qyzmeti
"Qazaqstannyń Bas prokýratýrasy el prezıdentiniń kezekten tys saılaýy barysynda zańdy buzbaýdy, onyń ishinde Konstıtýııanyń "Qazaqstan Respýblıkasyndaǵy saılaý týraly" zańynda kózdelgen qoǵamdyq pikirge saýal salý sharttarynyń saqtalýyn erekshe baqylaýda ustaıdy", - delingen resmı habarlamada.
Internette osy zańnyń talaptary buzylǵany tirkeldi. Atap aıtqanda, Nur.kz ınternet resýrsynyń menshik ıesi Ortalyq saılaý komıssııasyna eskertpeı saýalnama júrgizdi. Sondaı-aq, áleýmettik jelilerde de osyndaı saýalnamalar júrgizilipti. Osy derekter boıynsha quqyq buzýshylar ákimshilik jaýapkershilikke tartyldy.
Máselen, "VKontakte" áleýmettik jelisinde saılaý aıasynda qoǵamdyq pikirge saýalnama júrgizgen Almaty qalasynyń turǵyny jaýapqa tartyldy. Oǵan Ákimshilik quqyq buzýshylyq kodeksiniń 120-baby, 3-tarmaǵyna sáıkes 15 AEK (37 875 teńge) kóleminde aıyppul salyndy. Sol sııaqty Facebook jelisinde jasalǵan quqyq buzýshylyq úshin Almaty oblysynyń turǵyny ákimshilik jaýapkershilikke tartylǵan.
"Bas prokýratýra azamattarǵa saılaý proesi barysynda zańdy saqtaý qajettigin jáne saılaýǵa baılanysty saýalnama júrgizý sharttaryn buzǵany úshin Ákimshilik quqyq buzýshylyq týraly kodekstiń 120-babyna sáıkes jaýapkershilikke tartylatynyn eske salady. Bul rette azamattarǵa muqııat bolyp, áleýmettik jelilerdegi jeke akkaýnttaryn basqa bireýlerdiń paıdalanýyna jol bermeýi qajet", - deıdi prokýrorlar.
"Adyrna" ulttyq portaly
