9 maýsymda ótetin prezıdent saılaýyna 12 067 475 bıýlleten daıyndalady
Ortalyq saılaý komıssııasy kezekten tys prezıdent saılaýyna qajetti bıýlletenderdiń sany men mátinin bekitti, dep habarlaıdy Sputnik Qazaqstan tilshisi.
Kandıdattar saılaý bıýlletenine memlekettik tildiń álipbılik tártibimen tegi, aty, ákesiniń aty kórsetile otyryp engiziledi.
Osyǵan sáıkes, kandıdattar bıýlletende mynadaı tártippen kórsetiledi:
- Ahmetbekov Jambyl Áýjanuly;
- Espaeva Danııa Mádıqyzy;
- Qosanov Ámirjan Saǵıdrahmanuly;
- Raqymbekov Tóleýtaı Sataıuly;
- Taspıhov Amangeldi Satybaldyuly;
- Toqaev Qasym-Jomart Kemeluly;
- Túgel Sádi-Bek.
Ákimdikter árbir saılaý ýchaskesi boıynsha saılaýshylar tizimin saılaý komıssııalaryna daýys berý bastalardan jıyrma kún buryn – 20 mamyrda bergen.
"Osy tizimderge saı saılaýshylardyń jalpy sany 11 947 995 adamdy qurady. "Qazaqstandaǵy saılaý týraly" Konstıtýııalyq zańnyń 37-baby 2-tarmaǵyna sáıkes saılaý bıýlletenderi saılaýshylardyń jalpy sanynyń 1 proenti rezervimen saılaýshylardyń sanyna teń mólsherde daıyndalady. Osyǵan baılanysty 12 067 475 saılaý bıýlletenin daıyndaý qajet", - dedi Ortalyq saılaý komıssııasynyń hatshysy Sabıla Mustafına.
Onyń aıtýynsha, bir bıýlletendi daıyndaý quny – 11 teńge. Sonda 12 067 475 bıýlletendi daıyndaý úshin 132 mıllıon 742 myń 225 teńge jumsalady.
Ortalyq saılaý komıssııasy saılaý bıýlletenderin daıyndaıtyn tıpografııany anyqtap ta qoıdy.
Sondaı-aq, bıýlletenderdi qoldan jasaýdan jáne tıisinshe olardy burmalaýdan qorǵaýdy qamtamasyz etý maqsatynda saılaý bıýlletenderiniń qorǵalý dárejesi belgilendi.
Saılaý bıýlletenderi oblystyq, respýblıkalyq mańyzy bar qalalar men astananyń saılaý komıssııalaryna úsh kúnnen, ıaǵnı 6 maýsymnan erte emes jáne saılaýǵa deıin bir kúnnen, ıaǵnı 8 maýsymnan keshiktirmeı jetkizilýi tıis.
