Golovkın ne isteý kerek ekenin biledi - Abel Sanches

2278
Adyrna.kz Telegram

Amerıkalyq tanymal bapker Abel Sanches TheRing Digital-ge bergen suhbatynda óziniń burynǵy shákirti, qazaqstandyq Gennadıı Golovkınniń jańa jattyqtyrýshysy jaıly pikirin aıtty, - dep habarlaıdy Vesti.kz.

Sáýirdiń aıaǵynda Golovkın Sanchespen jumysyn toqtatqanyn habarlaǵan bolatyn. Al mamyrdyń basynda arnaıy baspasóz máslıhaty ótip, GGG jańa bapkeri Djonatan Benksti tanystyrdy.  Suhbat barysynda Sanches Golovkınniń ózin shákirt sezinip, jańa nárse úırenýin qalaıtynyn aıtty.

"Eger olaı jasaı almasa, Djonatanǵa degen ádiletsizdik bolar edi. Benks - kásibı, tájirıbeli bapker. Ol qolyńa jáı ǵana qolǵap kıgize salatyn bapker emes. Bul Djonatannyń karerasy úshin ǵana emes, Gennadııdiń de karerasy úshin mańyzdy", - dedi ol.  Sondaı-aq, amerıkalyq bapker Gennadııdi kezdestirip qalsa, bul sózin oǵan aıtpaıtynyn jetkizdi.

"Ony alda mańyzdy kún kútip tur. Soǵan kóńil bólýi kerek. Pozıtıv eshteńe aıtýymnyń da qajeti joq. Ol ne isteý kerek ekenin biledi. Munda toǵyz jyl ótkizdi. Osy ýaqyt ishinde bizden bir nárse úırendi dep oılaımyn. Bári qolynan kelýi tıis. Jekpe-jek kóre alamyn dep úmittenemin", - dedi Abel Sanches.

Golovkın Benkstiń qol astynda alǵash ret 8 maýsymda Nıý-Iorkte kanadalyq Stıv Rollsqa qarsy jekpe-jek ótkizedi.

Pikirler