Senattyń jalpy otyrysynda Joǵarǵy sottyń birneshe sýdıasy qyzmetinen bosatyldy. Bul týraly Joǵarǵy sot keńesiniń tóraǵasy Denıs Shıpp málimdedi, dep habarlaıdy “Adyrna” ulttyq portaly.
Sizderdiń qaraýlaryńyzǵa Sembek Baımahanovty, Ómirtaı Ibraev men Ulbolsyn Súleımenovany otstavkaǵa ketýine baılanysty Joǵarǵy sot sýdıalarynyń qyzmetinen bosatý týraly Memleket basshysynyń usynysy engizildi, - dedi Denıs Shıpp.
Sýdıalar zeınetke shyǵýlaryna baılanysty oryndaryn bosatylǵan.
Barlyq sýdıa zeınet jasyna jetti. Olardyń sýdıalyq tájirıbesi mol – 28 jyldan 37 jylǵa deıin. Sýdıalar qaýymdastyǵynda laıyqty bedelge ıe.
Baımahanovty, Ibraevty jáne Súleımenovany otstavkaǵa ketýine baılanysty Joǵarǵy sot sýdıalary laýazymynan bosatý týraly Memleket basshysynyń usynysyn qoldaýyńyzdy suraımyz, - dedi tóraǵa.
