Almaty oblysynda týrıstik polıııa endi qytaı tilinde qyzmet kórsetedi. Olar memlekettik tilden bólek, aǵylshyn, orys tilderin de bilý kerek. Bul týraly oblystyq Polıııa departamentiniń baspasóz qyzmeti habarlaıdy.
Oblystyń Qytaımen shekaralasatynyn eskere otyryp, bólimshede qytaı tilin erkin meńgergen qyzmetkerler jumys jasaıtyn bolady. Málimetke qaraǵanda, jańadan qurylǵan polıııa bólimshesindegi ofıerlik quramnyń shtattyq sany 5 birlikten turady.
«Týrıstik polıııa quramyna engen qyzmetkerler muqııat irikteýden ótti, zańnamany jáne shet tilderin jaqsy meńgergen. Olar elimizdiń tarıhyn da jaqsy biledi, áńgimeshil, ashyq. Árqaısysy memlekettik tilden bólek, aǵylshyn jáne orys tilderin jaqsy meńgergen. Sonymen qatar, óńirimiz Qytaı Halyq Respýblıkasymen shektesetinin eskere otyryp, bólimsheniń bir qyzmetkeri qytaı tilin erkin meńgergen», - delingen baspasóz baıanynda.
Qazirgi tańda týrıstik polıııa elimizdiń bes óńirinde qyzmet etedi. Olardyń mindeti týrısterdi qyzyqtyratyn máselelerge jaýap berip, olardyń qaýipsizdigin qamtamsyz etý.
«Týrıstik polıııa Alakól aýdanynda arnaıy aqparattyq júıeleri, tehnıkalar men baılanys quraldary bar stanıonarlyq bekette jumys isteı bastady. Alakól sońǵy jyldary sheteldikter kóp keletin orynǵa aınaldy», - dedi baspasóz qyzmeti.
