Qazaqstannyń tuńǵysh prezıdenti Nursultan Nazarbaev memleketti basqarýdyń qyr-syry týraly aıtty.
"Halyq pen onyń kóshbasshysy bir-birin túsinip, qoldaý bildirse, memleket tabysqa jete alady. Barlyq bastama halyqtyń qoldaýymen iske asýy qajet. Bul – meniń negizi ustanymym. Osy ýaqytqa deıin solaı jumys istedik. Saıasatymyz durys boldy dep oılaımyn. Men ózim bes saılaýǵa qatystym. Sonda maǵan 85 proentten tómen daýys berilgen joq. Osyndaı túsinistiktiń arqasynda biz qazirgi jetistikterge jettik dep oılaımyn", - dedi Nazarbaev plenarlyq otyrysynda.
Elbasynyń aıtýynsha, osy joly prezıdenttik bıliktiń tranzıti oıdaǵydaı ótti. Endi buǵan deıin qolǵa alynǵan bastamalardy jalǵastyrý qajet.
"Alaıda ol kezde meniń mandatym aıaqtalǵan joq, áli de jumys isteýge bolatyn edi. Saılaýǵa óz kandıdatýramdy shyǵarǵanda jalpy halyq bolyp, taǵy meni tańdaıtyn edi. Ony 100 proenttik senimmen aıtýǵa bolady. Degenmen, bizge ózgerister kerek. Jańa urpaqtyń kelgeni durys. Menińshe, bılikke keletin jańa urpaq, jańa komanda óz novaııalaryn ákeledi", - dep atap kórsetti tuńǵysh prezıdent.
Óz sózinde ol osy ýaqytqa deıin atqarylǵan sharalardy da atap ótti. Sonyń ishinde Ultyq qor, "Nurly jol" baǵdarlamasy, ındýstrııalyq-ınnovaııalyq baǵdarlama, ıpotekalyq júıe jáne taǵy basqa bastamalar bar. Nazarbaev Qazaqstandaǵy eki memlekettik tulǵa – tuńǵysh prezıdent pen prezıdentke qatysty óz oıyn da jetkizdi.
"Búgin biz spıkerge yńǵaısyzdyq týǵyzyp otyrǵan sııaqtymyz (kúldi). Ol aldymen "tuńǵysh prezıdent" deıdi, odan keıin "prezıdent" dep tanystyrý kerek. Menińshe, Qazaqstanda ekiudaıylyq bolmaıdy. Bizde bir prezıdent qana bar. Ol – basty tulǵa. Ony saılaǵannan keıin bárimiz soǵan jumys isteıtin bolamyz", - dedi Nazarbaev.
