Gaza sektoryn baqylaıtyn HAMAS toby 7 qazan tańerteńnen beri Izraıldi jappaı atqylap jatyr. Keminde 15 adam jaraqat alǵan, bir áıel opat bolǵan. Mıllıondaǵan adamǵa bombadan qorǵaıtyn oryndardan ketpeýge keńes berilgen. HAMAS músheleri shekaradaǵy Izraıl qalalaryna kirgen. Izraıl qorǵanys armııasy keıingi 50 jylda alǵash ret soǵys jaǵdaıyn jarııalady, dep habarlaıdy «Adyrna» ulttyq portaly Azattyqqa silteme jasap.
HAMAS jetekshisiniń sózinshe, Izraıl aýmaǵyna 5 myńnan astam raketa jiberilgen. Nátıjesinde Izraıldiń Gderot qalasyna raketa túsip, 60 jastaǵy áıel qaza bolǵan. Jaraqat alǵan 15 adamnyń ekeýi aýyr jaraqat alǵan.
Kýseıf eldi mekeniniń bıligi atqylaýdyń saldarynan tórt adam mert bolǵanyn, birneshe adam jaralanǵanyn aıtty.
Izraıldiń kóptegen qalasynda dabyl iske qosylǵan, Tel-Avıvtegi ǵımarattarǵa raketa túskeni habarlandy.
Izraıl armııasy Gazamen shekaradaǵy Sderotqa HAMAS músheleri kirgenin habarlady. Áleýmettik jelide jarııalanǵan vıdeolarǵa qaraǵanda, qalada atys júrip jatyr. Keı málimet boıynsha, 7 adam qaza bolǵan: olardy avtobýs aıaldamasynda atyp ketken.
HAMAS toby Izraılge qarsy jańa operaııa bastaǵanyn jarııalady. Top ókilderi oǵan «Izraıldiń Ierýsalımdegi ál-Aqsa meshitin qorlaýy» túrtki bolǵan.
Izraıl armııasy «soǵysqa daıyndyq jaǵdaıyn» jarııalady. Izraıl qorǵanys mınıstri Ioav Gallant zapastaǵy qyzmetkerlerdi armııaǵa shaqyrýdy qoldap, Gaza sektorynan 80 shaqyrym aýmaqta tótenshe jaǵdaı jarııalady. Oǵan Tel-Avıv ta kiredi.
«Adyrna» ulttyq portaly
