Bügın körermenge endı ǧana jol tartqan «Mırjaqyp. Oian, Qazaq!» filmınıŋ 4 qazanda prokattan alynǧany turaly aqparat taraǧan bolatyn. Būl turaly filmnıŋ rejisserı Mūrat Esjan da, Qazaqstan ūlttyq arnasy da habarlaǧan edı. Endı kinorejisser Mūrat Esjan körermen qalauymen filmnıŋ körsetılımı taǧy bır apta ūzartylǧanyn aitty, dep habarlaidy “Adyrna” ūlttyq portaly.
“Quanyşty jaŋalyq! Qalyŋ körermennıŋ qalauy bolyp, “Oian, qazaqtyŋ” kinoteatrlardaǧy körsetılımı taǧy bır aptaǧa ūzartyldy! Endı talabymyzǧa qadamymyz sai bop, kelesı aptany da anşlag jasaiyq! Kinoteatrlar da sūranysty kördı ǧoi, mümkın seanstar sanyn būdan da ūlǧaitar! Memlekettıŋ jūmsaǧan qarjysy aqtalǧan (film 100 paiyz membiudjetke tüsırılgen) alǧaşqy tarihi joba bolsa degen tılek bar”, dep jazdy ol.
Aita keteiık, kinopark ökılderı körermenge endı ǧana jol tartqan «Mırjaqyp. Oian, Qazaq» filmınıŋ prokattan alynuy Qazaqstan Tv arnasynyŋ kelısımımen bolǧanyn aitqan edı.
Al Ūlttyq arna är filmnıŋ bastapqyda belgılengen uaqyt aralyǧynda ǧana körsetıletının aityp, būl mäselede eşkımge kınä artpaudy sūraǧan.
Alaş qairatkerı Mırjaqyp Dulatov 1928 jyly Mäskeude tūtqyndalyp, äuelde ölım jazasyna kesılgen. Keiın būl ükım 10 jyl türme jazasyna almastyrylyp, lagerge aidalady. 1935 jyly ūzaq qudalau men qorlyq saldarynan auruǧa şaldyǧady. Mırjaqyp sol jyly 5 qazanda Solovki lagerınde 50 jasqa qaraǧan şaǧynda dünie saldy.
