Almatyda Muzafar Álimbaevtyń kitaby jaryq kórdi. Jańa týyndyda balalarǵa arnalǵan shyǵarmalary men óleńderi toptastyrylǵan.
Qazaq poezııasynyń kórnekti ókiliniń týǵanyna bıyl - 100 jyl. Mereıli mereıtoıy jer-jerde túrli deńgeıde atalyp ótip jatyr. Búgingi is-shara sonyń jalǵasy. Qaladaǵy Krylov kitaphanasynda ótken jıynǵa jazýshynyń balalary men nemereleri, qazaq ádebıetiniń kórnekti tulǵalary keldi.
– Muzafar Álimbaevtiń 100 jyldyǵy el-elde, jer-jerde atalyp ótip jatyr. Bul jarasymdy. Óıtkeni ol ataýsyz, izdeýsiz qalatyn aqyn-jazýshy emes. Qazaq ádebıeti barda, qazaq ulty barda Muzafar Álimbaevtyń esimi óshpeıdi, – dedi Qazaqstan Jazýshylar odaǵy basqarmasy tóraǵasynyń orynbasary Beıbit Sarybaı.
Aqyn, ertegi men balalarǵa arnalǵan áńgimelerdiń avtory, qazaq folkloryn jınaýshy Muzafar Álimbaev óz Otanynda ǵana tanymal emes. Onyń poezııasy 18 tilge aýdarylǵan. Ol – qazaq ádebıetinde soǵys surapylyn bastan keshken qalamgerlerdiń biri. Búgingi jıynda oqýshylar jazýshynyń shyǵarmalaryn oqyp, kóz kórgender esteligin aıtty.
– Ár dápterdiń shetinde nómir túrtip qoıatyn. Bir kúni surasam, serýendegende júrgen qadamyn jazyp júredi eken. Ol Uly Otan soǵysynda jaraly bolǵan. Qazir jastarǵa óte yńǵaıly, qadamdy sanaıtyn saǵat, telefon bar. Al atam sol kezde ózi sanap, jazǵan, – dedi M. Álimbaevtyń nemeresi Baqtııar Álimbaev.
Aqparat: Almaty.tv
