Memleket basşysy Qasym-Jomart Toqaev Germaniiaǧa resmi sapary barysynda QazAqparattyŋ Berlindegı menşıktı tılşısıne ekskliuzivtı sūqbat berdı, dep habarlaidy «Adyrna» tılşısı.
Memleket basşysy Qazaqstannyŋ Reseimen tolyqqandy yntymaqtastyq baǧytyn berık ūstanatynyn atap öttı.
«Būl elmen bızdı älemdegı eŋ ūzyn şekara bırıktıredı. Baspasöz mäslihatynda aitqanymdai, bızde ärtürlı salalardaǧy, sonyŋ ışınde sauda jäne gumanitarlyq bailanystardaǧy yntymaqtastyqtyŋ ejelden qalyptasqan dästürı bar. Sanksiialarǧa keletın bolsaq, BŪŪ Bas Assambleiasynyŋ jaqynda ötken sessiiasynda jäne basqa da söilegen sözımde sanksiialyq teketıres jahandyq daǧdarystyŋ şielenısuı jaǧdaiynda eroziiaǧa ūşyraǧan halyqaralyq qatynastardy jaqsartu tūrǧysynan müldem kerı nätije beretının atap öttım. Qazaqstanda sanksiialyq şekteulerge jatatyn tauarlar joq. Qazaqstan sondai-aq Reseige parallel dep atalatyn importqa qatyspaidy»,—dedı ol.Prezident dästürlı tauarlar saudasyna da toqtaldy.
«Dästürlı tauarlar saudasyna keler bolsaq, ol ösıp, ötken jyly Qazaqstan – Resei tauar ainalymynyŋ kölemı 25 mlrd dollarǧa jettı. Jaqynda Astanada «İnnoprom» körmesı sättı öttı. Oǧan premer-ministr Mihail Mişustin bastaǧan reseilık delegasiia keldı. Būl rette Qazaqstan sanksiialyq şekteulerdı eskeruge mäjbür jäne būl mäsele boiynşa tiıstı halyqaralyq ūiymdarmen bailanysta. Mümkındıktı paidalana otyryp, men diplomattardy Resei men Ukraina arasyndaǧy beibıtşılık turaly kelıssözder üşın özara qolaily negız tabuǧa nazar audartqym keledı. Būl öte maŋyzdy. Öitkenı älem adamzattyŋ köpşılıgı üşın saldary apatty bolatyn jäne ölımge äkeletın qaqtyǧystyŋ qauıptı nüktesıne jaqyndady»,—dedı Qasym-Jomart Kemelūly.
Ūqsas jaŋalyqtar
