Alaiaqtyq üşın sottaluşy Ukrainadan Qazaqstanǧa ekstradisiialandy, - dep habarlaidy "Adyrna" tılşısı QR Bas prokuraturasynyŋ resmi ökılı Darhan Düisembaiǧa sılteme jasap.
Ukrainanyŋ Ädılet ministrlıgı qazaqstandyq sottyŋ ükımın oryndaudan jaltarǧan azamat M.-ny Qazaqstanǧa ekstradisiialau turaly şeşım qabyldady.
«Sot 2017 jyly būl azamatty asa ırı kölemde alaiaqtyq jasaǧany üşın kınälı dep tanyp, şartty türde bas bostandyǧynan aiyrdy. 2019 jyly jazasyn öteuden jaltaru maqsatynda azamat M., oǧan sot belgılegen şekteulerdı būzyp, ız-tüssız joǧalyp, ızdeu jariialandy», — delıngen Bas prokuraturanyŋ resmi ökılınıŋ habarlamasynda.
Resmi mälımet boiynşa, aǧymdaǧy jyldyŋ tamyz aiynda ızdeude jürgen azamatty Ukraina aumaǧynda sol eldıŋ qūqyq qorǧau organdary ūstaǧan.
«Qazaqstan Respublikasynyŋ Bas prokuraturasy jäne İnterpol qyzmetkerlerı Qazaqstan Respublikasynyŋ Ukrainadaǧy, Moldovadaǧy jäne Türkiiadaǧy elşılıkterınıŋ kömegımen azamat M.-ny elımızge ekstradisiialau jürgızıldı, qazırgı uaqytta ol uaqytşa ūstau izoliatoryna qamaldy», - delıngen QR Bas prokuraturasynyŋ resmi ökılınıŋ habarlamasynda.
Būǧan deiın 9 jyl boiy halyqaralyq ızdeude bolǧan Qazaqstan azamaty Türkiiadan ekstradisiialanǧan bolatyn. Ol qūrylys kompaniialarynan 1 milliard teŋgege juyq qarajatty, onyŋ ışınde auruhana qūrylysyna arnalǧan qarajatty ūrlady degen küdıkke ılıngen.
Ūqsas jaŋalyqtar
