Şymkent qalasynyŋ qylmystyq soty Kausar travel turistık firmasynyŋ direktory Medet Mūratbaiūlyna qatysty ükım şyǧardy, ol jüzdegen qazaqstandyqtardy qajylyqqa joldama uäde etıp aldady, dep habarlaidy "Adyrna" ūlttyq portaly sot zalynan aqparat taratqan Orda.kz-ke sılteme körsete otyryp.
Sot talqylauy barysynda turfirma direktory öz kınäsın moiyndaudan bas tartty. Onyŋ aituynşa, būl ıske būrynǧy deputat Bekbolat Tıleuhannyŋ qatysty bar.
"Men kınälı emespın. Barlyq aqşany Bekbolat Tıleuhanǧa jıberdık. Bıraq oǧan qatysty eşteŋe aitylmaidy. Men barlyq instansiialar boiynşa aryz jazdym", - dedı sottaluşy.Taraptardyŋ pıkırlerın tyŋdap, sudia zardap şekkenderdıŋ materialdyq şyǧynyn qanaǧattandyrdy, ol, şamamen, 250 mln teŋgenı boldy. Sonymen qatar, prosess barysynda turistık kompaniia direktorynyŋ öz kompaniiasyn zaŋsyz aşqany turaly dälelder keltırıldı.
"Sot ükımımen sottaluşy kınälı dep tanylyp, 6 jylǧa bas bostandyǧynan aiyryldy. Ol jazasyn ortaşa qauıpsızdık mekemesınde öteitın bolady", - dep ükımdı sudia Ainel Oraqbaeva oqydy.Eske sala keteiık, jyl basynda düiım jūrtty dürlıktırgen «Käusar trevel» turistık kompaniiasy jolauşylardy oişa qajylyqqa attandyryp, öz ǧimaratynyŋ aldynda şyr köbelek ainaldyryp qoiǧan edı. 500-600 myŋ teŋgenıŋ töŋıregınde joldama satyp, 300-den astam adamnyŋ köŋılıne küdık ūialatqan turistık kompaniiaǧa qatysty tergeu jūmystary bastalǧanyn jazǧanbyz. Sonymen qatar, «Adyrna» ūlttyq portaly mausym aiynyŋ jiyrma jetısı künı qajylyqqa attanǧan 120 adamnyŋ qūjatsyz qaldyryp, qamauda otyrǧanyn da habarlaǧan edı. Olardyŋ barlyǧy "ZamZam Qazaqstan" qajylyq kompaniiasy arqyly ülken qajylyqqa tur satyp alǧan, alaida jalǧan vizaǧa aldanyp, jat elde jankeştıge ainalǧan bolatyn.
"Adyrna" ūlttyq portaly
Kausar travel turistık firmasy
qajylyq kompaniiasy
qajylar
«Käusar trevel»
"ZamZam Qazaqstan" qajylyq kompaniia
