Qūrmettı almatylyqtar!
Barşaŋyzdy mūsylman qauymy asyǧa kütken qasiettı Ramazan aiynyŋ keluımen qūttyqtaimyn.
Sondai-aq, barşa qazaq jūrtşylyǧyn Otan qorǧauşylar merekesımen jäne qasiettı de ūly mereke – Jeŋıs künımen şyn jürekten qūttyqtaimyn! Būl mereke – janqiiar erlıktıŋ, eŋselı eldıktıŋ ruhy örlep, Jeŋıs jalauy jelbıregen kün.
Osyndai qasterlı de qasiettı mereke künı eldıŋ arasyna ırıtkı salyp, tynyştyǧymyzdy būzu äreketı ülken künä dep oilamyn. Sebebı, Alla taǧala Qūranda «Bülık şyǧaru adam öltıruden de auyr künä» - dep eskertedı. Demek, el men qoǧam ışınde bülık saluşylar Alla qūzyrynda künahar bolady.
Būǧan qosa, mūsylman jamaǧaty asyǧa kütetın qasiettı Ramazan aiy qūlşylyqtyŋ, qaiyrymdylyq pen tynyştyqtyŋ aiy. Mūsylman jamaǧaty künımen oraza ūstap, keşın namazben ötkızedı. Osyndai qasiettı aida bülık şyǧaru mūsylmanşylyqtyŋ da, eşbır adami qūndylyqtardyŋ şeŋberıne syimaidy.
9 mamyr – jeŋıs künı ärı maidanda qaza tapqan babalarymyzdy eske alu künı. Būl künde el men jerdı qorǧau jolynda şeiıt bolǧan atalarymyzǧa dūǧa etıp, Qūran oqyp baǧyştap, eŋ ūly qūndylyǧymyz - täuelsızdıgımızdı baǧalai bıluımız kerek. Eldıŋ tynyştyǧyn būzǧysy keletın keibır toptarǧa tūrǧyndarymyzdyŋ ermeuı qajet dep sanaimyn. Alla taǧala Qūranda «Rabbylaryŋ sert ettı, eger sender şükırlık etseŋder arttyramyn, küpırlık etseŋder azabym küştı» - deidı. Sondyqtan, bız eger qoldaǧy bar altynymyz – elbıŋ yntymaǧy, täuelsızdıgı men tynyştyǧynyŋ qadırın bılıp baǧalasaq, ūzaǧynan bolady. Kerısınşe jaǧdaida, ökınışke tap boluymyz mümkın. Ökınışten Alla saqtasyn barşamyzdy!
Osy oraida, memlekettık organdar qoǧamnyŋ tynyştyǧyn qamtamasyz etuge barşa küş jūmsap, el arasynda qandaida bır bülık şyǧaryp, tynyştyǧymyzdy būzudy közdegen toptarǧa der kezınde tiıstı şara qabyldauy kerek dep oilaimyn. Türlı terıs saiasi äreketterge jol berılmeuı qajet. Sebebı, qoǧamnyŋ qauıpsızdıgı men eldıŋ tynyştyǧyn eşnärsege auystyruǧa bolmaidy.
San ǧasyrlar boiǧy babalarymyzdyŋ aŋsaǧan Täuelsızdıgıne Sız ben bızdıŋ däuırımızde qol jetkızdık. Täuelsızdıktıŋ arqasynda Alla taǧala bızge tılımızdı, dınımızdı, ūlttyq qūndylyqtarymyz ben salt-sanamyzdy qaitaryp berdı. Būl üşın Allaǧa myŋ şükır, jüz täube dep ärbır qazaq maqtanuy qajet.
Osynau älemdık jahandanu kezeŋınde 130 astam ūltpen ūlys ökılderı bır tudyŋ astynda tatu-tättı ömır sürıp jatqany bızdıŋ memleketımızdıŋ sanaly ärı saliqaly saiasatynyŋ arqasy.
Sondyqtan Qūrmettı jamaǧat, Qūrmettı qala tūrǧyndary men qonaqtary, Qūrmettı Qazaqstandyqtar barşaŋyzdy sabyrlyq pen tatulyqqa şaqyramyn. Terıs piǧyldy taraptardyŋ äreketınen saq bolaiyq.
Endı ǧana el bolyp, eŋsemızdı köterıp, kök tuymyzdy jelbıretıp, älemge tanylyp kelemız. Sondyqtan, Alla taǧala barşamyzǧa bülıkke emes bırlıkke şaqyrudy näsıp etsın AǦAIYN!
Almaty qalasy Ortalyq meşıtınıŋ bas imamy
Erkınbek Şoqai
