Aqtóbe polıııasy oqýshynyń óz-ózine qol jumsaýynyń sebepteri men saldaryn anyqtap jatyr, - dep habarlaıdy "Adyrna" tilshisi.
12 qyrkúıekte on birinshi synyp oqýshysynyń týystary jasóspirimge izdeý jarııalandy. Kelesi kúni mektep oqýshysy kórshileriniń qorasynan asylǵan kúıinde tabyldy.
"13 qyrkúıekte polıııa bólimine kórshileriniń qorasynan kámeletke tolmaǵan 2007 jyly týǵan balanyń máıiti tabylǵany týraly habarlama kelip tústi. Kelgen jedel-tergeý toby kámeletke tolmaǵannyń óz-ózine qol jumsaǵanyn anyqtady. Atalǵan fakti boıynsha QR Qylmystyq kodeksiniń 105-baby «Ózin-ózi óltirýge ıtermeleý" babyna sáıkes sotqa deıingi tergeý amaldary júrgizilýde.
Jasóspirim oqıtyn mektepte onyń synyptastarymen eshqandaı janjal bolmaǵanyn aıtty. Eshqashan sabaqtan qalmaıtyn, árqashan dostyq qarym-qatynasta bolatyn. On birinshi synyp oqýshysynyń joǵalyp ketkenin bilgen muǵalimder otbasymen birge ony izdestirdi.
«12 qyrkúıekte mektep ınspektory bizge qońyraý túskenin habarlady: ata-anasy onyń úıden ketkeni týraly habarlasty. Ata-analarmen jáne muǵalimdermen birge biz paralleldi izdeý jumystaryn bastadyq. Al keshe., 13-i kúni balanyń qaıtys bolǵany týraly habar keldi. Óte aqkóńil, kópshil, baýyrmal, eńbekqor bala edi. Ata-anasyna únemi kómektesip turatyn. Otbasyna kóńil aıtamyz. Kesheden beri sol jerdemiz, jaqyn aralyqta marqumnyń jaqyndarynyń janynda bolamyz», dedi oqýshy oqyǵan mektep dırektory.
