Meırambekti syrtynan saılaýǵa kim qosqan?

2139

Qazaqstan prezıdenttigine kandıdat Qasym-Jomart Toqaevtyń respýblıkalyq qoǵamdyq shtaby quryldy. Olardyń arasynda elimizge belgili tulǵalar da bar dep jazady KAZ.NUR.KZ.

Qoǵamdyq shtabqa sportshylardan Jaqsylyq Úshkempirov, Aleksandr Vınokýrov, Qanat Islam, Dınara Sadýaqasova kirdi.

Sondaı-aq, shtabta Arýjan Saın, Maııa Bekbaeva, Roza Rymbaeva, Altynaı Jorabaeva, Maıra Muhamedqyzy, Meırambek Bespaev, Samal Eslıamova, Saken Baıǵazy, Qydyráli Bolmanov ta bar.

Budan bólek, alǵash ret shtabtyń jastar qanaty quryldy. Oǵan Qaırat Nurtas, Quralaı Anarbekova, Anna Alıabeva, Áıgerim Esenáli, Serik Esmatov jáne taǵy basqa tanymal jastar kirgen.

Biraq, portaldyń ınstagram paraqshasyna jarııalanǵan osy aqparattyń astyna Meırambek Besbaevtyń ózi pikir qaldyrǵan. Onda ánshi eshkimge eshqandaı kelisim bermegenin, syrtynan kim sheshkenin suraǵan.

"Men eshkimniń shtabyna kelisim bergen emespin. Syrtymnan sheshe beretin bolǵan ba? Men óz tańdaýymdy saılaý kezinde jasaýǵa quqylymyn!!! Nur.Kz aldymen bilip alyp jazsańdarshy!" depti Meırambek. 

Rasynda da qazaqtyń Meırambegi atanǵan Meırambek Besbaevtyń ózin syrtynan saılaýǵa aralasýǵa qosyp jatsa, basqalaryna ne joryq?

 

Pikirler