Belgılı zaŋger Aigül Orynbek mektepte oramal taǧu mäselesıne pıkır bıldırdı. Būl turaly ol Facebook paraqşasynda jazdy, dep habarlaidy “Adyrna” ūlttyq portaly.
Aituynşa, Qazaqstan mūsylmandary dıni bırlestıgınıŋ mektep formasy mäselesıne aralasuǧa qūqyǧy joq.
“Bızdıŋ Elde ışkı ahual - älı de tūraqty emes, oramal dauynyŋ köterıluı de - tekten-tek emes!
QMDB-nyŋ mektep formasy mäselesıne aralasuǧa qūqyǧy joq! Şariǧatta on üş jas - ol baliǧatqa kelgen bolyp esepteledı. Al däl qazırgı qoǧam men zamanda baliǧat jas, ol - balanyŋ kämeletke tolǧan, iaǧni 18 jasy bolyp tabylady. Bala mektepte bılım aluy qajet! Jasy 18-ge kelgen soŋ ǧana qandai dındı ūstanatynyn özı şeşu kerek!
Dıni basqarmanyŋ basqa ısteitın jūmysy qalmaǧan ba? Odanda, myna milary ulanyp, saqaldary tızelerıne jetıp, qara “nikabqa” bürkenıp, salt-dästürımız ben ūlttyq aspabymyz dombyranyŋ özın - “haram” dep aşyq uaǧyz aityp otyrǧandarmen kürespei me?”, dep jazdy ol.
Sondai-aq, zaŋger bas müfti Nauryzbai qajy otstavkaǧa ketuıkeregın aitty.“Şariǧat boiynşa, baliǧat jasyna iaǧni 13-ke tolǧan qyzbalasy oramal taǧyp jüru kerek ekenın de bükpei aityp otyr. Erteŋ-aq az-kem uaqyttan soŋ, “baliǧat jastaǧy qyz erkekpen neke qiyp, jynystyq qatynasqa da tüse beruı kerek” dep pätua şyǧarady ma sonda?
Bızdıŋ Memleket basqaruyna jäne saiasi ahualǧa - dındı aralastyrmaŋdar! Dın men aǧymnyŋ türı köp! Ärkım öz dının, öz ūstanymyn Memleket basqaruyna tyqpalai beretın bolsa, Memleketımızdıŋ täuelsızdıgıne, tūraqtylyǧy men qauıpsızdıgıne qauıp tönedı!
Äleumettık jelı, äsırese jastar qauymy jappai otyratyn “Tik-tok” jelılerınde salt-dästürmızge aşyq qarsy şyǧyp, milliondaǧan halyqqa jat aǧymdy nasihattauşy “nikab” pen “hidjab” kigender köbeiıp kettı! Al būǧan qarsy baǧyttalǧan nemese tyiym bolar, tıptı ūlttyq ideologiiaǧa äser etetın jūmystardy da josparly jobalardy körmedık! Bas Mufti Nauryzbai qajy “otstavkıge” ketuı kerek!”, dep jazdy zaŋger.
