Qazaqstan Respýblıkasynyń Konstıtýııasy kúni qarsańynda Maqsut Narikbayev University qabyrǵasynda konstıtýııalyq quqyq ǵylymı mektebiniń negizinde Konstıtýııalyq jáne saıası zertteýler ınstıtýty iske qosylýda.
Instıtýttyń maqsaty ýnıversıtettiń jetekshi konstıtýıonalıst ǵalymdarymen irgeli jáne qoldanbaly zertteýler júrgizý, konstıtýııalyq quqyq, memlekettik basqarý jáne saıasat, ári osymen baılanysty salalar boıynsha bilim berý baǵdarlamalaryn ázirleý jáne qoldanysqa engizý.
Instıtýt qyzmetiniń negizgi baǵyttary:
– konstıtýııalyq ınstıtýttar, adam quqyqtary, memlekettik saıasat, basqarý jáne onymen baılanysty salalar boıynsha zertteýler júrgizý;
– konstıtýııalyq quqyq, memlekettik basqarý jáne saıasat salasyndaǵy ulttyq jáne halyqaralyq granttyq ǵylymı jobalar konkýrstaryna qatysý;
– ýnıversıtet stýdentteri, magıstranttary jáne doktoranttarymen ǵylymı-zertteý jumysynyń ártúrli nysandaryn uıymdastyrý, stýdentterdiń arasynda ýnıversıtet ishindegi, JOOaralyq konkýrstar, halyqaralyq konferenııalar, training sessions jáne workshops ótkizý;
– Public Policy / Public Administration baǵdarlamasyn júzege asyrý aıasynda bilim berý baǵdarlamalaryn ázirleýge jáne oqytý kýrstaryn ótkizýge qatysý;
– ulttyq jáne halyqaralyq uıymdar jáne mamandarmen, sonyń ishinde basqa mekemelerde qurylǵan mamandandyrylǵan ınstıtýttar jáne ortalyqtarmen yntymaqtastyq.
Instıtýt dırektory Indıra Oralqyzynyń aıtýynsha, atalmysh ınstıtýt elimizdegi konstıtýııalyq reformany júzege asyrý jáne damytý maqsatynda ashylýda.
Áýbákirova Indıra Oralqyzy, zań ǵylymdarynyń doktory, MNU Quqyq mektebiniń qaýymdastyrylǵan professory, saıası-quqyqtyq jáne jarııa quqyq máseleleri boıynsha 180-nen astam ǵylymı eńbekterdiń avtory. Qazaqstannyń qurmetti zańgeri. M.V.Lomonosov atyndaǵy Máskeý memlekettik ýnıversıtetiniń shaqyrylǵan professory. Qazaqstan Respýblıkasynyń Konstıtýııasyna ózgerister men tolyqtyrýlar engizý boıynsha usynystar ázirleý jónindegi jumys tobynyń múshesi (2022), Qazaqstan Respýblıkasy Prezıdentiniń janyndaǵy Ǵylym jáne tehnıka jónindegi Ulttyq keńestiń múshesi, QR OSK janyndaǵy Saraptamalyq keńestiń múshesi. «Bolashaq» baǵdarlamasynyń túlegi (doktor dárejesi).
Qosymsha aqparat: +7 (747) 926-02-60 (Aıdar), +7 (776) 107-01-76 (Gúljanat). e-mail: PR@kazguu.kz
