Ózbekstan basshysy Shavkat Mırzııaevtiń úlken qyzy Saıda Mırzııaeva prezıdent kómekshisi qyzmetine taǵaıyndaldy. Bul týraly respýblıka úkimetiniń baspasóz qyzmeti jazdy, dep habarlaıdy «Adyrna» tilshisi.
Tıisti qaýlyǵa búgin qol qoıyldy.
Saıda Mırzııaeva 2019 jyldan 2022 jylǵa deıin prezıdent ákimshiligi janyndaǵy Aqparat jáne kommýnıkaııa agenttigi dırektorynyń orynbasary qyzmetin atqardy. 2022 jyldan bastap Ulttyq buqaralyq aqparat quraldaryn damytý men qoldaý qorynyń qamqorshylar keńesi tóraǵasynyń orynbasary bolǵan edi.
Bir aı buryn Azattyqtyń Ózbek qyzmeti Ózbekstanda Shavkat Mırzııaev bıligi kezindeni nepotızm týraly zertteý jarııalap, prezıdent jıyrmadan astam týysyn laýazymy joǵary qyzmetterge taǵaıyndaǵanyn jazǵan.
