İtaliiadan Qazaqstanǧa zaŋsyz jetkızılgen qūmyrsqalar Almaty äuejaiynan anyqtaldy. Tättınıŋ ornyna 7 qūtyǧa qatar salynyp, zaŋsyz jöneltılgen jändıkter toby tärkılendı, dep habarlaidy "Adyrna" ūlttyq portaly.
Almaty halyqaralyq äuejaiynda memlekettık kırıster departamentı, «Jetısu» keden beketınıŋ qyzmetkerlerı tekserıs jürgızu barysynda İtaliiadan kelgen qūmyrsqalardy anyqtady. Qorap ışınen konditerlık önımderdıŋ ornyna tırı jändıkter, boljam boiynşa qūmyrsqalary bar 7 probirka men 22 plastikalyq konteiner anyqtaldy.
«Euraziialyq ekonomikalyq komissiia alqasynyŋ Syrtqy ekonomikalyq qyzmettıŋ tauar nomenklaturasy kody boiynşa jabaiy tırı jändıkter Euraziialyq ekonomikalyq odaqtyŋ kedendık aumaǧyna äkeluge rūqsat beru tärtıbı belgılengen tauarlar tızbesıne kıredı. Osylaişa, rūqsat qūjattarynsyz tırı jändıkterdı Qazaqstan Respublikasynyŋ aumaǧyna zaŋsyz äkelu äreketı toqtatyldy», - delıngen Memlekettık kırıster departamentınıŋ habarlamasynda.Saparlauşynyŋ tättı ornyna qūmyrsqa salyp, ony Qazaqstanǧa ne sebeptı jetkızgenı äzırge belgısız. Atalǧan derek boiynşa materialdar şeşım qabyldau üşın uäkılettı memlekettık organǧa jıberıldı.
"Adyrna" ūlttyq portaly
Ūqsas jaŋalyqtar
