Prigojin "Vagner" jasaǧynyŋ Afrikadaǧy jūmysy turaly tüsındırıp, tosyn video jariialady, dep habarlaidy "Adyrna" ūlttyq portaly.
"Vagner" jasaǧynyŋ telegram-arnasynda Evgenii Prigojinnıŋ videosy jariialandy. Ol Afrikadaǧy " erekşe tapsyrmalardyŋ" oryndalu barysyn baiandaidy.
"Bız jūmystamyz. Temperatura +50. Vagner RPD jürgızedı (RPD - barlau qyzmetı boluy mümkın), Būl Reseidıŋ odan ärmen ūlylyǧyn arttyryp, barlyq kontinentterge ülken yqpal etedı. Afrikada mūny erkın jüzege asyramyz", - deidı Prigojin.Onyŋ artynda alasa aǧaştar ösken jartasty landşaft jäne bırneşe kölık baiqalady. Özı kamufliaj kiıp, avtomat ūstaidy. Bırneşe minuttan keiın jariialanǧan kelesı beinejazbada Ortalyq Afrika Respublikasynda "Orys üiınıŋ" "jaŋa investisiialyq keŋsesı aşylatyny aitylady. Köterılısten keiın Prigojinnıŋ naqty qaida ekenı belgısız küiınde qaldy. Şılde aiynyŋ soŋynda Sankt-Peterburgte ötken "Resei — Afrika" sammitınde jürgen Prigojinnıŋ suretı paida boldy. Belarussiiada tamyz aiynyŋ ortasyna qarai zaŋdy türde "Vagnerdıŋ" "bılım beru ūiymy" tırkelgenı belgılı boldy. Eske salaiyq, 24 mausymǧa qaraǧan tünı Prigojin Reseidıŋ resmi äskeri basşylyǧyn soqqy berdı dep aiyptap, özı "ädılet marşy" dep ataǧan äskeri narazylyq şarasyn ötkızgen. Olar Dondaǧy Rostov qalasynan Mäskeuge 200 şaqyrym qalǧanşa jürıp barǧan. Bülık faktısı boiynşa qylmystyq ıs qozǧaldy. Soŋǧy sätte, resmi nūsqa boiynşa, Belarus prezidentı Aleksandr Lukaşenkonyŋ araşalauymen Prigojin mämılege kelıp, äskerın Mäskeudıŋ şetıne qaitardy. Sondai-aq Resei prezidentınıŋ baspasöz hatşysy qylmystyq ıstı toqtatu turaly şeşım qabyldanǧanyn habarlaǧan.
"Adyrna" ūlttyq portaly
Ūqsas jaŋalyqtar
